ദക്ഷിണാഫ്രിക്കൻ കീപ്പർ സ്റ്റബ്സിനെ ഡെൽഹി ക്യാപിറ്റൽസ് സ്വന്തമാക്കി

ദക്ഷിണാഫ്രിക്കൻ വിക്കറ്റ് കീപ്പർ ബാറ്റർ ട്രിസ്റ്റൻ സ്റ്റബ്സിനെ ഡെൽഹി ക്യാപിറ്റൽസ് സ്വന്തമാക്കി. അടിസ്ഥാന വിലയായ 50 ലക്ഷത്തിനാണ് ഡെൽഹി താരത്തെ സ്വന്തമാക്കിയത്. വേറെ ആരും സ്റ്റബ്സിനായി രംഗത്ത് വന്നില്ല. 23കാരനായ താരം മുമ്പ് മുംബൈ ഇന്ത്യൻസിനായി ഐ പി എൽ കളിച്ചിട്ടുണ്ട്.

ആകെ നാല് ഐ പി എൽ മത്സരങ്ങൾ മാത്രമെ താരം കളിച്ചിട്ടുള്ളൂ. ടി20യിൽ ആകെ 21 മത്സരങ്ങൾ കളിച്ച താരം ഇതുവരെ 21 ശരാശരിയിൽ 239 റൺസ് നേടിയിട്ടുണ്ട്.