വെസ്ലി ഫോഫാനയുടെ സൈനിംഗ് ചെൽസി ഔദ്യോഗികമായി പ്രഖ്യാപിച്ചു. ലെസ്റ്ററിൽ നിന്ന് റെക്കോർഡ് തുക നൽകിയാണ് ചെൽസി താരത്തെ ടീമിലേക്ക് എത്തിച്ചത്. ചെൽസി നേരത്തെ നൽകിയ മൂന്ന് ഓഫറുകൾ നിരസിച്ച ശേഷമാണ് ലെസ്റ്റർ അവസാനം താരത്തെ വിൽക്കാൻ സമ്മാനിച്ചത്.
2028വരെയുള്ള കരാർ ചെൽസിയിൽ ഫൊഫാന ഒപ്പുവെച്ചു. എഴുപത്തിയഞ്ചു മില്യൺ പൗണ്ട് ആണ് ചെൽസി താരത്തിനായി നൽകിയത്. ഇതിന് പുറമെ ആഡ്-ഓണുകളും ഉണ്ടാകും. സെന്റർ ബാക്കായ ഫൊഫാന 2020ൽ ആണ് ലെസ്റ്റർ സിറ്റിയിൽ എത്തിയത്. ലെസ്റ്ററിൽ എത്തും മുമ്പ് ഫ്രഞ്ച് ക്ലബായ സെന്റ് എറ്റിയനിൽ ആയിരുന്നു താരം കളിച്ചത്.
