ന്യൂകാസിൽ അവരുടെ വലിയ ട്രാൻസ്ഫർ പൂർത്തിയാൽകുകയാണ്. ടൊണാലിയും എ സി മിലാനും തമ്മിൽ കരാർ ധാരണയിൽ എത്തിയതായി ഫബ്രിസിയോ റൊമാനോ റിപ്പോർട്ട് ചെയ്യുന്നു. താരത്തിന് 8 മില്യൺ വാർഷിക വേതനം ലഭിക്കും. രണ്ട് മില്യൺ ആഡ് ഓണും ലഭിക്കും. 2020 മുതൽ ടൊണാലി എ സി മിലാനിൽ ഉണ്ട്. അവർക്ക് ഒപ്പം ലീഗ് കിരീടവും നേടിയിട്ടുണ്ട്
ചാമ്പ്യൻസ് ലീഗ് യോഗ്യത നേടിയ എഡി ഹൗവിന്റെ ന്യൂകാസ്റ്റിൽ യുണൈറ്റഡ് ട്രാൻസ്ഫർ മാർക്കറ്റിൽ വലിയ നീക്കങ്ങൾ തന്നെ നടത്തും എന്ന് നേരത്തെ തന്നെ വ്യക്തമായിരുന്നു. ടൊണാലി വരുന്നതോടെ ഇപ്പോൾ തന്നെ ശക്തമായി നിൽക്കുന്ന ന്യൂകാസിൽ മിഡ്ഫീൽഡ് അതി ശക്തമാകും.
ഏതാണ്ട് 70 മില്യൺ യൂറോക്ക് ആണ് താരത്തിനെ ഇംഗ്ലീഷ് ക്ലബ് സ്വന്തമാക്കാൻ ഒരുങ്ങുന്നത്. ഈ ഓഫർ മിലാൻ അംഗീകരിക്കും. ന്യൂകാസിലിന്റെ ടൊണാലിക്കായുള്ള മൊത്തം പാക്കേജ് 140 മില്യണോളമാണെന്ന് ഡി മാർസിയോ പറയുന്നു. ന്യൂകാസിൽ ചരിത്രത്തിൽ ഒരു താരത്തിനായി മുടക്കുന്ന ഏറ്റവും വലിയ തുകയായിരിക്കും ഇത്.
