Local Sports News in Malayalam

യുഎഇയിൽ നിന്നും ഓഫർ, പ്യാനിച്ചിന്റെ തീരുമാനത്തിന് കാതോർത്ത് ബാഴ്സലോണ

ബാഴ്സലോണയുടെ മധ്യനിര താരം മിറാലം പ്യാനിച്ചിന് യുഎഇയിൽ നിന്നും ഓഫർ. യുഎഇ പ്രോ ലീഗ് ടീമായ ഷാർജ എഫ്സിയാണ് താരത്തിന് വേണ്ടി സമീപിച്ചിരിക്കുന്നതെന്ന് ഫാബ്രിസിയോ റോമാനോ റിപ്പോർട്ട് ചെയ്യുന്നു. മൂന്ന് വർഷത്തെ കരാർ ആണ് താരത്തിന് വേണ്ടി ടീം മുന്നോട്ട് വെച്ചിരിക്കുന്നത്. താരം ഇത് അംഗീകരിക്കുമോ എന്ന കാര്യം ഉറപ്പില്ല.

പ്രീ സീസണിൽ തരക്കേടില്ലാത്ത പ്രകടനം കാഴ്ച്ച വെച്ചതോടെ സാവി പ്യാനിച്ചിന് ടീമിൽ അവസരം നൽകിയേക്കും എന്ന സൂചനയുണ്ടായിരുന്നു. ഇതിന് പിറകെ മറ്റൊരു ഡിഫെൻസിവ് മിഡ്ഫീൽഡർ ആയ നിക്കോ ടീം വിടുകയും ചെയ്തതോടെ ടീമിൽ ബസ്ക്വറ്റ്‌സ് അല്ലാതെ ഡിഫെൻസിവ് മിഡിൽ കളിക്കാൻ പ്രാപ്തിയുള്ള മറ്റൊരു താരമാണ് പ്യാനിച്ച്. എന്നാൽ ലീഗിൽ ഇതുവരെ താരത്തിന് അവസരം ലഭിച്ചിട്ടില്ല. ഓഫർ വന്നെങ്കിലും താരത്തിന്റെ തീരുമാനത്തിന് കാത്തിരിക്കുകയാണ് ബാഴ്‌സലോണ. ടീമിൽ തുടരുകയാണെങ്കിൽ ചുരുങ്ങിയ അവസരം മാത്രമേ താരത്തിന് ലഭിക്കൂ എന്നുള്ളത് ഉറപ്പാണ്.

You might also like