Category: Transfer

പി എസ് ജിയുടെ ലെഫ്റ്റ് ബാക്ക് യൂറി ബെർചിചെ സ്പാനിഷ് ലീഗിലേക്ക് തിരിച്ചെത്തി. 28കാരനായ യൂറിയെ അത്ലറ്റിക്ക് ക്ലബാണ് സ്വന്തമാക്കിയിരിക്കുന്നത്. 2022 വരെയുള്ള കരാറിലാണ് താരം അത്ലറ്റിക്ക് ബിൽബാവോയുമായി കരാർ ഒപ്പിട്ടത്. വെള്ളിയാഴ്ച താരത്തെ ആരാധകർക്ക് മുന്നിൽ ഔദ്യോഗികമായി അവതരിപ്പിക്കും. 100 മില്യൺ റിലീഷ് ക്ലോസാണ് താരത്തിന്റെ കരാറിൽ അത്ലറ്റിക്ക് ക്ലബ് വെച്ചിരിക്കുന്നത്.

കഴിഞ്ഞ വർഷം റിയൽ സോസിഡാഡിൽ നിന്നാണ് യൂറി പി എസ് ജിയിലേക്ക് എത്തിയത്. 22 മത്സരങ്ങൾ മാത്രമെ പി എസ് ജിയിൽ താരത്തിന് കളിക്കാനായുള്ളൂ. മുമ്പ് ഐബറിലും ടോട്ടൻഹാമിലും താരം കളിച്ചിട്ടുണ്ട്. അത്ലറ്റിക്ക് ബിൽബാവോയുടെ അക്കാദമിയിൽ 2005ൽ യൂറി കളിച്ചിരുന്നു.

കൂടുതൽ കായിക വാർത്തകൾക്ക് : www.facebook.com/FanportOfficial

യുവേഫയുടെ വിലക്കിന് പിന്നാലെ മിലാന്റെ ഇരട്ട സൈനിങ്‌ ഒഫീഷ്യലായി പുറത്ത് വന്നു. നാപോളിയുടെ ഗോൾ കീപ്പർ പെപ്പെ റെയ്നയും സാംപ്‌ടോറിയയുടെ ലെഫ്റ്റ് ബാക്ക് ഇവാൻ സ്ട്രിനിച്ചുമാണ് മിലാനിലേക്കെത്തിയത്. സീരി എയുടെ വെബ്‌സൈറ്റ് പ്രകാരം ഫ്രീ ട്രാൻസ്ഫെറിലാണ് ഇരു താരങ്ങളും മിലാനിലേക്കെത്തിയത്.

ക്രൊയേഷ്യൻ താരമായ ഇവാൻ സ്ട്രിനിച്ച് 2015 ലാണ് സീരി എ യിലേക്കെത്തുന്നത്. നാപോളിയിൽ രണ്ടു വർഷം തുടർന്ന ഇവാൻ സ്ട്രിനിച്ച് പിന്നീടാണ് സാംപ്‌ടോറിയയിലേക്ക് മാറിയത്. റഷ്യൻ ലോകകപ്പിൽ ക്വാർട്ടർ ഉറപ്പിച്ച ക്രൊയേഷ്യൻ ടീമിൽ അംഗമാണ് ഇവാൻ സ്ട്രിനിച്ച്.

വെറ്ററൻ സ്പാനിഷ് താരമായ പെപ്പെ റെയ്ന ലിവർപൂളിൽ നിന്നും ലോണിലാണ് സീരി എ യിൽ എത്തുന്നത്. പിന്നീട് ബയേണിന്റെ താരമായ പെപ്പെ റെയ്ന ഒരു സീസണ് ശേഷം നാപോളിയിൽ തിരിച്ചെത്തി. ബോസ്‌മാൻ ട്രാൻസ്ഫെറിലാണ് ഇരു താരങ്ങളും മിലാനിൽ എത്തിയത്. പെപ്പെ റെയ്ന രണ്ടു വർഷത്തേക്കും ഇവാൻ സ്ട്രിനിച്ച് മൂന്നു വർഷത്തെ കരാറുമാണ് ഒപ്പിട്ടത്.

കൂടുതൽ കായിക വാർത്തകൾക്ക് : www.facebook.com/FanportOfficial

ഈ സമ്മറിലെ ആദ്യ സൈനിംഗ് ബൗണ്മത് പൂർത്തിയാക്കി. 20കാരനായ എഡ്ഡി ഹോവിനെയാണ് ബോണ്മത് സ്വന്തമാക്കിയിരിക്കുന്നത്. ഷെഫീൽഡ് യുണൈറ്റഡിൽ നിന്നാണ് താരം ബൗണ്മതിലേക്ക് എത്തുന്നത്. ഷെഫീൽഡിന്റെ അക്കാദമിയിലൂടെ വളർന്നു വന്ന താരം 2016ൽ സീനിയർ ഡെബ്യൂട്ട് നടത്തിയിരുന്നു.

ഇതുകരെ 37 മത്സരങ്ങൾ ഷെഫീൽഡിന്റെ മധ്യനിരയിൽ കളിച്ച എഡ്ഡി മൂന്ന് ഗോളുകളും നേടിയിട്ടുണ്ട്. ബൗണ്മതിന്റെ ആദ്യ മത്സരത്തിൽ തന്നെ എഡ്ഡിയുടെ പ്രീമിയർ ലീഗ് അരങ്ങേറ്റവും നടന്നേക്കാം. കാർഡിഫ് സിറ്റിയുമായാണ് ബോണ്മതിന്റെ ഈ സീസണിലെ ആദ്യ മത്സരം.

കൂടുതൽ കായിക വാർത്തകൾക്ക് : www.facebook.com/FanportOfficial

കഴിഞ്ഞ സീസണിൽ വോൾവ്സിൽ ലോണിൽ എത്തിയ രണ്ട് യുവതാരങ്ങളെയും സ്ഥിരമായുള്ള കരാറിൽ വോൾവ്സ് സ്വന്തമാക്കി‌. ലിയോ ബൊനാറ്റിനിയും റൂബൻ വനാഗെരെയുമാണ് വോൾവ്സിൽ പുതിയ കരാർ ഒപ്പിട്ടത്. ഇരുവരും കഴിഞ്ഞ‌ സീസണിൽ ലോണിൽ എത്തിയതായിരുന്നു വോൾവ്സ്. വോൾവ്സിന്റെ പ്രീമിയർ ലീഗിലേക്കുള്ള പ്രമോഷനിൽ ഇരുവരും പങ്കുവഹിച്ചിരുന്നു.

സൗദി അറേബ്യൻ ക്ലബായ അൽ ഹിലാലിൽ നിന്നാണ് ബൊനാറ്റിനി എത്തുന്നത്. 24കാരനായ ബൊനാറ്റിനി 12 ഗോളുകൾ കഴിഞ്ഞ ചാമ്പ്യൻഷിപ്പിൽ നേടിയിരുന്നു. 19കാരനായ റൂബൻ എ എസ് മൊണോക്കോയിൽ നിന്നാണ് എത്തുന്നത്. സ്പോർടിംഗ് അക്കാദമിയിൽ വളർന്ന താരമാണ് റൂബൻ.

കൂടുതൽ കായിക വാർത്തകൾക്ക് : www.facebook.com/FanportOfficial

ചെൽസിയുടെ സ്‌ട്രൈക്കർ മിച്ചി ബാത്ശുവായി ലോൺ അടിസ്ഥാനത്തിൽ ബൊറൂസിയ ഡോർട്ട് മുണ്ടിന് വേണ്ടി കളിക്കും. ഈ സീസൺ അവസാനം വരെയാണ് താരം ജർമ്മൻ ക്ലബ്ബിനായി ബൂട്ട് കെട്ടുക. ഔബമയാങ് ആഴ്സണലിലേക്ക് ചുവട് മാറിയതോടെയാണ് ബെൽജിയൻ ദേശീയ താരമായ ബാത്ശുവായ്ക്ക് ഡോർട്ട്മുണ്ടിലേക്ക് അവസരം ലഭിച്ചത്. അന്റോണിയോ കോണ്ടെയുടെ ടീമിൽ അവസരങ്ങൾ കുറഞ്ഞതോടെ ലോകകപ്പ് അടുത്ത് നിൽക്കെ കൂടുതൽ അവസരങ്ങൾ താരത്തിന് ജർമ്മനിയിൽ ലഭിച്ചേക്കും.

2016 ഇൽ മാർസെയിൽ നിന്ന് ചെൽസിയിൽ എത്തിയ താരം പക്ഷെ ആദ്യ സീസണിൽ ഡിയാഗോ കോസ്റ്റക്ക് പിറകിലായാണ് ടീമിൽ ഇടം നേടിയത്. പലപ്പോഴും പകരകാരന്റെ സ്ഥാനത്തിറങ്ങി ഗോളുകൾ നേടിയിട്ടുണ്ടെങ്കിലും താരത്തിന് പരിശീലകൻ കൊണ്ടേയുടെ വിശ്വാസം ആർജിക്കാനായിരുന്നില്ല. ഈ സീസണിൽ മൊറാത്തയുടെ അഭാവത്തിൽ പോലും താരത്തിന് ആദ്യ ഇലവനിൽ അവസരം ലഭിക്കാതെ വന്നതോടെ ജനുവരിയിൽ താരം ക്ലബ്ബ് വിടുമെന്ന് ഏതാണ്ട് ഉറപ്പായിരുന്നു. ഏതാനും പ്രീമിയർ ലീഗ് ക്ലബ്ബ്കൾ താരത്തെ സ്വന്തമാക്കാൻ ശ്രമം നടത്തിയിരുന്നെങ്കിലും ജിറൂദ് ചെൽസിയിലേക്ക് വരാൻ കരാർ ആയതോടെ ഡോർട്ട്മുണ്ട് ഔബമായാങിന് പകരക്കാരനായി ബാത്ശുവായിയെ വേണമെന്ന കരാർ വെക്കുകയായിരുന്നു. ഇതോടെ ആഴ്സണലും ചെൽസിയും നടത്തിയ ചർച്ചകൾക്കൊടുവിൽ ജിറൂദിനെ ആഴ്സണൽ നൽകുകയും ബാത്ശുവായിക്ക് ഡോർട്ട്മുണ്ടിൽ അവസരം ഒരുങ്ങുകയുമായിരുന്നു.

കൂടുതൽ കായിക വാർത്തകൾക്ക് : www.facebook.com/FanportOfficial

ആഴ്സണലിന്റെ ഫ്രഞ്ച് സ്‌ട്രൈക്കർ ഒലിവിയെ ജിറൂദ് ഇനി ചെൽസിയുടെ നീല കുപ്പായമണിയും. ഏറെ നാളായി രണ്ടാം സ്‌ട്രൈക്കറെ തിരയുന്ന ചെൽസി എഡിൻ സെക്കോയെ വാങ്ങാൻ പറ്റാതെ വന്നപ്പോഴാണ് ആഴ്സണൽ സ്‌ട്രൈക്കറെ വാങ്ങാൻ തീരുമാനിച്ചത്. പ്രീമിയർ ലീഗിൽ മികച്ച അനുഭവസമ്പത്തുള്ള താരം ചാംപ്യൻസ് ലീഗിൽ അടക്കം ചെൽസിക്ക് മുതൽ കൂട്ടായേക്കും എന്നാണ് നീലപടയുടെ പ്രതീക്ഷ. മിച്ചി ബാത്ശുവായിയെ കോണ്ടേ വേണ്ട രീതിയിൽ ഉപയോഗിക്കാൻ പറ്റാതെ വന്നതോടെയാണ് ചെൽസി പുതിയ സ്‌ട്രൈക്കറെ തേടിയത്. താരത്തിന്റെ വരവോടെ മൊറാത്തയുടെ ഫോമും മികച്ചതാക്കാൻ പറ്റുമെന്നാണ് കൊണ്ടേയുടെ പ്രതീക്ഷ. ജിറൂദ് എത്തുന്നതോടെ ബാത്ശുവായി ലോണിൽ ഡോർട്ട്മുണ്ടിലേക്ക് പോകും. ഒന്നര വർഷത്തെ കരാറിലാണ് താരം നീല പടയുമായി കരാർ ഒപ്പിട്ടത്.

ഏതാണ്ട് 18 മില്യൺ പൗണ്ടിനാണ് താരം ചെൽസിയിൽ എത്തുന്നത്. ഒബാമയങ്ങിന്റെ വരവോടെ ആഴ്സണലിൽ ഇടം ഇല്ലാതാവുമെന്ന അവസ്ഥയിൽ ജിറൂദ് ലണ്ടനിൽ തന്നെ മറ്റൊരു ക്ലബ്ബിലേക്ക് മാറാം എന്ന അവസരത്തിന് അനുകൂലമായതോടെയാണ് ഡീൽ തീരുമാനമായത്.
2012 ഇൽ ഫ്രഞ്ച് ക്ലബ്ബായ മോണ്ടെപില്ലെറിൽ നിന്ന് ആഴ്സണലിൽ എത്തിയ താരം ഇതുവരെ ക്ലബ്ബിനായി 180 മത്സരങ്ങളിൽ നിന്ന് 73 ഗോളുകൾ നേടിയിട്ടുണ്ട്.

കൂടുതൽ കായിക വാർത്തകൾക്ക് : www.facebook.com/FanportOfficial