നെമാഞ്ച മാറ്റിച് റോമ വിടാൻ സാധ്യത. താരത്തിനായി ഫ്രഞ്ച് ക്ലബായ റെന്നെ രംഗത്ത് ഉണ്ട്. അവർ രണ്ട് വർഷത്തെ കരാർ താരത്തിനായി വാഗ്ദാനം ചെയ്തു. ഫ്രഞ്ച് ക്ലബ് ഒരു ഓഫറുമായി റോമയെ സമീപിച്ചിട്ടുണ്ട്. താരവും റോമ വിടാൻ താല്പര്യപ്പെടുന്നതായി പരിശീലകൻ ജോസെയെ അറിയിച്ചു. 2024 സമ്മർ വരെ ഉള്ള കരാർ മാറ്റിചിന് റോമയിൽ ഉണ്ട്.
ഒരു സീസൺ മുന്നെ ആയിരുന്നു മാഞ്ചസ്റ്റർ യുണൈറ്റഡ് വിട്ട് മാറ്റിച് റോമയിലേക്ക് എത്തിയത്. മുൻ മാഞ്ചസ്റ്റർ യുണൈറ്റഡ് പരിശീലകൻ ജോസെ മൗറീനോയുടെ സാന്നിദ്ധ്യമാണ് റോമയിലേക്ക് മാറ്റിചിനെ എത്തിച്ചത്. ജോസെയുടെ വിശ്വസ്ത കളിക്കാരിൽ ഒരാളാണ് മാറ്റിച്. എങ്കിലും 35കാരന്റെ വേഗത പ്രശ്നമായതിനാൽ ഇപ്പോൾ റോമ ആദ്യ ഇലവനിൽ താരത്തിന് സ്ഥാനം കിട്ടാറില്ല.
മാഞ്ചസ്റ്റർ യുണൈറ്റഡിലും ചെൽസിയിലും മാറ്റിച് ജോസെക്ക് കീഴിൽ വലിയ പ്രകടനങ്ങൾ മുമ്പ് കാഴ്ചവെച്ചിട്ടുണ്ട്. മുമ്പ് അഞ്ചു വർഷം മാറ്റിച് മാഞ്ചസ്റ്റർ യുണൈറ്റഡിനൊപ്പം ആയിരുന്നു. 2017ൽ ചെൽസിയിൽ നിന്നാണ് മാറ്റിച് മാഞ്ചസ്റ്റർ യുണൈറ്റഡിലേക്ക് എത്തിയത്.
