റെക്കോർഡ് തുക നൽകും, നൂനസ് വോൾവ്സിലേക്ക് എത്തും

സ്പോർട്ടിംഗ് ലിസ്ബൺ മിഡ്ഫീൽഡർ മാത്യൂസ് നൂനസ് ഇംഗ്ലണ്ടിലേക്ക്. നൂനസിനായി റെക്കോർഡ് തുക നൽകാൻ വോൾവ്സ് തീരുമാനിച്ചു. ക്ലബ് റെക്കോർഡ് തുകയായ 42.2 മില്യൺ പൗണ്ടിന് ആണ് നൂനസിനെ വോൾവ്സ് സൈൻ ചെയ്യുന്നത്. ഇപ്പോൾ താരവും ഒപ്പം ഇരു ക്ലബുകളുമായും ധാരണയിൽ എത്തിയിട്ടുണ്ട്. സ്പർസിൽ ശനിയാഴ്ച നടക്കുന്ന മത്സരത്തിൽ പങ്കെടുക്കാൻ നൂനസിന് പറ്റുമെന്ന പ്രതീക്ഷയിൽ സാങ്കേതിക നടപടികൾ വേഗത്തിൽ ആക്കുകയാണ് വോൾവ്സ് ഇപ്പോൾ.

ഫോർവേഡ് ഫാബിയോ സിൽവയ്‌ക്കായി രണ്ട് വർഷം മുമ്പ് പോർട്ടോയ്ക്ക് നൽകിയ 35 മില്യൺ എന്ന ട്രാൻസ്ഫർ തുക ആണ് ഈ ഡീലോട് മറികടക്കപ്പെടുന്നത്. 2020 ജനുവരിയിൽ സ്പോർടിങിൽ ചേർന്ന നൂനസ് അവസാന മൂന്നര സീസണുകൾ ലിസ്ബൺ ക്ലബ്ബിൽ ചെലവഴിച്ചു.

Story Highlight: Matheus Nunes has accepted Wolves proposal, here we go!