ന്യൂയോർക്ക് സിറ്റിയുടെ അർജന്റീന മുന്നേറ്റനിര താരം ടാറ്റി കാസ്റ്റല്ലനോസ് ലാസിയോയിൽ. 15 മില്യൺ യൂറോക്ക് ആണ് താരത്തെ ഇറ്റാലിയൻ ക്ലബ് സ്വന്തമാക്കിയത്. 24 കാരനായ താരം കഴിഞ്ഞ സീസണിൽ ലോണിൽ ജിറോണക്ക് ആയാണ് കളിച്ചത്.
കഴിഞ്ഞ സീസണിൽ ലാ ലീഗയിൽ 37 കളികളിൽ 14 ഗോളുകൾ നേടിയ താരം റയൽ മാഡ്രിഡിന് എതിരെ ഒരു കളിയിൽ നാലു ഗോളുകൾ നേടിയിരുന്നു. ബെൻഫിക്കയും നേരത്തെ താരത്തിന് ആയി രംഗത്ത് ഉണ്ടായിരുന്നു. 2028 വരെയാണ് താരം ലാസിയോയിൽ കരാർ ഒപ്പ് വെക്കുക.
