ആർ.ബി ലൈപ്സിഗിലേക്ക് പോയ തങ്ങളുടെ ബെൽജിയം മുന്നേറ്റനിര താരം ലോയിസ് ഒപെണ്ടക്ക് പകരക്കാരനെ ടീമിൽ എത്തിച്ചു ലീഗ് 1 ക്ലബ് ആർ.സി ലെൻസ്. മോണ്ട്പെല്ലിയറിൽ നിന്നു 35 മില്യൺ യൂറോ നൽകി 20 കാരനായ ഫ്രഞ്ച് യുവതാരം എലിയെ വാഹിയെ ആണ് അവർ ടീമിൽ എത്തിച്ചത്. 5 വർഷത്തേക്ക് ആണ് താരം ലെൻസിൽ കരാർ ഒപ്പ് വെച്ചത്.
2021 ൽ ലീഗ് 1 ൽ അരങ്ങേറ്റം കുറിച്ച വാഹി കഴിഞ്ഞ സീസണിൽ ഫ്രാൻസിൽ മിന്നും പ്രകടനം ആണ് കാഴ്ച വെച്ചത്. ഫ്രഞ്ച് ലീഗ് 1 ൽ 33 കളികളിൽ നിന്നു 19 ഗോളുകളും 5 അസിസ്റ്റുകളും താരം കഴിഞ്ഞ സീസണിൽ നേടി. കഴിഞ്ഞ സീസണിൽ ലീഗിലെ ഏറ്റവും മികച്ച ഗോളും ഈ ഫ്രഞ്ച് അണ്ടർ 21 താരത്തിന്റെ വക ആയിരുന്നു.
