“അടുത്ത സീസണിൽ എവിടെ കളിക്കും എന്ന് ഉറപ്പില്ല” – കൗട്ടീനോ

തന്റെ ബാഴ്സലോണ ഭാവി എന്താകുമെന്ന് അറിയില്ല എന്ന് ബ്രസീലിയൻ താരം കൗട്ടീനോ. ബാഴ്സലോണയുമായി തനിക്ക് ഇനിയും കരാർ ഉണ്ട് പക്ഷെ ഇപ്പോൾ തന്റെ ഭാവിയെ കുറിച്ച് തനിക്ക് തന്നെ അറിയില്ല എന്ന് കൗട്ടീനോ പറഞ്ഞു. കഴിഞ്ഞ സീസൺ താൻ ആഗ്രഹിച്ചതു പോലെ അല്ല നടന്നത്. അതിന്റെ നിരാശയുണ്ട്. കൗട്ടീനോ പറഞ്ഞു.

കൗട്ടീനോയെ സ്വന്തമാക്കാം പി എസ് ജി അടക്കം നിരവധി ക്ലബുകൾ ഇപ്പോൾ രംഗത്തുണ്ട്. നെയ്മറിനെ കൊണ്ടു വരാൻ വേണ്ടി കൗട്ടീനോയെ ബാഴ്സലോണ പി എസ് ജിക്ക് കൈമാറും എന്നും അഭ്യൂഹമുണ്ട്. എന്നാൽ ഈ വിഷയത്തിൽ ഒന്നും കൗട്ടീനോ പ്രതികരിച്ചില്ല. താൻ ഇപ്പോൾ കോപ അമേരിക്ക പോരാട്ടങ്ങളിലാണ് ശ്രദ്ധ ചെലുത്തുന്നത്. അതു കഴിഞ്ഞ് മാത്രമേ ഭാവി കാര്യങ്ങൾ ചിന്തിക്കുകയുള്ളൂ. കൗട്ടീനോ പറഞ്ഞു.