നോർത്ത് ഈസ്റ്റ് യുണൈറ്റഡിനെ ഒന്നിനെതിരെ മൂന്ന് ഗോളുകൾക്ക് തോല്പ്പിച്ചു കൊണ്ട് ഒഡീഷ എഫ് സി സൂപ്പർ കപ്പ് ഫൈനലിൽ എത്തി. ഫൈനലിൽ ബെംഗളൂരു എഫ് സിയെ ആകും ഒഡീഷ എഫ് സി നേരിടുക. ഇന്ന് ആദ്യ മിനുറ്റിൽ തന്നെ നിലവിലെ സൂപ്പർ കപ്പ് ടോപ്പ് ഗോൾ സ്കോറർ വിൽമർ ജോർദാൻ ആദ്യ ഗോൾ സ്കോർ ചെയ്തു.
പത്താം മിനുറ്റിൽ നന്ദ കുമാർ ഒഡിഷക്ക് വേണ്ടി സമനില ഗോൾ കണ്ടെത്തി. ജെറിയുടെ ക്രോസ്സിൽ ഹെഡ് ചെയ്താണ് നന്ദകുമാർ ഗോൾ നേടിയത്. 18-ാം മിനിറ്റിൽ ബോക്സിന് പുറത്ത് നിന്നും ഡിയഗോ മൗറിസിയോയ്ർ വീഴ്ത്തിയതിന് ഒഡിഷക്ക് അനുകൂലമായ ഫ്രീ കിക്ക് ലഭിച്ചു. വിക്ടർ റൊമേറോ പോസ്റ്റിലേക്ക് തൊടുത്തെങ്കിലും നേരിയ വ്യത്യാസത്തിൽ പുറത്തേക്ക് പോയി.
62 ആം മിനുറ്റിൽ ഒഡിഷ രണ്ടാം ഗോൾ നേടി. ഇടത് വിങ്ങിൽ നിന്നും നന്ദകുമാർ പന്തുമായി മുന്നേറി നോർത്ത് ഈസ്റ്റ് പ്രതിരോധ താരങ്ങൾക്കിടയിലൂടെ വിക്ട്ടർ റോഡ്രിഗസിന് കൈമാറി. വിക്ട്ടർ റോഡ്രിഗസ് പന്ത് നന്ദകുമാറിന് തന്നെ കൈമാറി.നന്ദകുമാർ നോർത്ത് ഈസ്റ്റ് ഗോൾ കീപ്പർ മിർഷാദിനെയും മറികടന്ന് പന്ത് വലയിലാക്കി.
86 ആം മിനുറ്റിൽ ഡീഗോ മൗറിസിയോയും ഒഡിഷക്ക് വേണ്ടി ഗോൾ കണ്ടെത്തിയതിയതോടെ സ്കോർ നില 3-1 ആയി. ഈ വരുന്ന 25ന് ആകും ഹീറോ സൂപ്പർ കപ്പ് ഫൈനൽ നടക്കുക.
