അഖിലേന്ത്യാ സെവൻസിൽ ഈ സീസണിൽ മികച്ച പ്രകടനം നടത്തുന്ന അൽ മദീന ചെർപ്പുളശ്ശേരി അവരുടെ മികച്ച പ്രകടനം തുടരുകയാണ്. ഇന്ന് അവർ മണ്ണാർക്കാട് അഖിലേന്ത്യാ സെവൻസിൽ വിജയം സ്വന്തമാക്കി. എഫ് സി കൊണ്ടോട്ടിയെ നേരിട്ട അൽ മദീന പെനാൾട്ടി ഷൂട്ടൗട്ടിൽ ആണ് വിജയിച്ചത്. നിശ്ചിത സമയത്ത് 1-1 എന്നായിരുന്നു സ്കോർ. തുടർന്ന് പെനാൾട്ടിയിൽ കളി എത്തിയപ്പോൾ അൽ മദീന ഗോൾ കീപ്പർ മികവ് കാണിച്ചു.
ഇത് അൽ മദീനയുടെ തുടർച്ചയായ അഞ്ചാം വിജയമാണ്. ഈ അഞ്ചു മത്സരങ്ങളിൽ നിന്ന് 12 ഗോളുകൾ അടിച്ച അൽ മദീന ആകെ ര‌ണ്ടു ഗോളുകൾ ആണ് വഴങ്ങിയത്. നാളെ അൽ മദീന കല്പകഞ്ചേരി സെവൻസിൽ അൽ മദീന എഫ് സി പെരിന്തൽമണ്ണയെ നേരിടും.
