ആർതുറിനെ യുവന്റസിന് കൈമാറിയത് സ്ഥിരീകരിച്ചതിന് പിന്നാലെ യുവന്റസ് താരം പ്യാനിച്ചിന്റെ ബാഴ്സലോണയിലേക്കുള്ള വരവ് ഔദ്യോഗികമായി. ഏകദേശം 65 മില്യൺ യൂറോ നൽകിയാണ് ബാഴ്സലോണ താരത്തെ സ്വന്തമാക്കിയത്. നേരത്തെ യുവന്റസിലേക്ക് പോയ ആർതുറിന് പകരക്കാരനായാണ് പ്യാനിച്ച് ബാഴ്സലോണയിൽ എത്തുന്നത്.
LATEST NEWS | Agreement with @juventusfcen for the transfer of @Miralem_Pjanic
👋 Welcome!
💙❤️ #PjanicCuler— FC Barcelona (@FCBarcelona) June 29, 2020
നാല് വർഷത്തെ കരാറിലാണ് പ്യാനിച്ച് ബാഴ്സലോണയിൽ എത്തുന്നത്. അതെ സമയം ബാഴ്സലോണയുമായി കരാറിൽ ഏർപ്പെട്ടെങ്കിലും സെരി എ സീസൺ കഴിയുന്നത് വരെ പ്യാനിച്ച് യുവന്റസിൽ തുടരും. 2016 റോമയിൽ നിന്ന് യുവന്റസിൽ എത്തിയ പ്യാനിച്ച് നാല് സീസണിൽ അവർക്ക് വേണ്ടി കളിച്ചതിന് ശേഷമാണ് ബാഴ്സലോണയിൽ എത്തുന്നത്. റോമയെ കൂടാതെ ലിയോൺ, മെറ്റ്സ് എന്നീ ടീമുകൾക്ക് വേണ്ടിയും താരം കളിച്ചിട്ടുണ്ട്. യുവന്റസിന് വേണ്ടി 171 മത്സരങ്ങൾ കളിച്ച പ്യാനിച്ച് 22 ഗോളുകളും അവർക്ക് വേണ്ടി നേടിയിട്ടുണ്ട്.
