ഇറ്റലി മുഴുവൻ വലിയ വിപത്തിൽ നിൽക്കുമ്പോൾ വീണ്ടും പരിശീലനം ആരംഭിക്കാനുള്ള നടപടിയിലാണ് സീരി എ ക്ലബായ നാപോളി. ഈ മാസം 25 മുതൽ ഫസ്റ്റ് ടീം പരിശീലനം പുനരാരംഭിക്കും എന്നാണ് ഇപ്പോൾ നാപോളി അറിയിച്ചിരിക്കുന്നത്. അവസാന രണ്ടു ദിവസത്തിനിടയിൽ ഇറ്റലിയിൽ ആയിരങ്ങൾ മരിച്ച സാഹചര്യം പോലും കണക്കിൽ എടുക്കാതെയാണ് ക്ലബിന്റെ ഈ തീരുമാനം.
ഇറ്റലിയിലെ എന്നല്ല യൂറോപ്പിലെ തന്നെ മുഴുവൻ ക്ലബുകളും പരിശീലനം നിർത്തി വെച്ചിരിക്കുകയാണ്. അപ്പോൾ ആണ് നാപോളി പരിശീലനം തുടങ്ങും എന്ന് പറയുന്നത്. ഇറ്റാലിയൻ ഫുട്ബോൾ താരങ്ങളുടെ സംഘടന ഈ നീക്കത്തിനെതിരെ രംഗത്ത് വന്നിട്ടുണ്ട്. താരങ്ങളുടെ ജീവിതത്തിന് ഭീഷണിയാകുന്ന ഒരു പരിപാടിയും അനുവദിക്കില്ല എന്നും സംഘടന നേരത്തെ തന്നെ അറിയിച്ചിട്ടുണ്ട്.
