മിലാൻ ഡർബി, ലൗട്ടാരോയുടെ മികവിൽ ഇന്റർ മിലാന് ജയം!!

Newsroom

Picsart 23 02 06 09 49 02 376
Download the Fanport app now!
Appstore Badge
Google Play Badge 1

ഞായറാഴ്ച സാൻ സിറോയിൽ നടന്ന വാശിയേറിയ മത്സരത്തിൽ ചിരവൈരികളായ എസി മിലാനെ 1-0 എന്ന സ്കോറിൻ ഇന്റർ മിലാൻ പരാജയപ്പെടുത്തി. 34-ാം മിനിറ്റിൽ സ്‌ട്രൈക്കർ ലൗട്ടാരോ മാർട്ടിനെസിന്റെ ഹെഡറിലൂടെയാണ് ഇന്റർ വിജയ ഗോൾ കണ്ടെത്തിയത്. മാർട്ടിനെസിന്റെ സീസണിലെ 12-ാം ലീഗ് ഗോളായിരുന്നു ഇത്.

മിലാൻ 23 02 06 09 48 25 861

ആദ്യ പകുതിയിൽ, 76% പൊസഷനുമായി ഇന്റർ കളിയിൽ ആധിപത്യം പുലർത്തി. രണ്ടാം പകുതിയിൽ എസി മിലാൻ കളിയിലേക്ക് വന്നു എങ്കിലും ഗോൾ ഒന്നും പിറന്നില്ല ഇന്ററിന് രണ്ട് ഗോളുകൾ നിഷേധിക്കപ്പെടുകയുൻ ചെയ്തു. റൊമേലു ലുക്കാക്കുവിന്റെ ഗോൾ ഒരു ഫൗളിന്റെ പേരിലും മാർട്ടിനെസിന്റെ സ്‌ട്രൈക്ക് ഓഫ്‌സൈഡായും വിധി വന്നു.

ഈ വിജയത്തോടെ സീരി എ സ്റ്റാൻഡിംഗിൽ 43 പോയിന്റുമായി ഇന്റർ രണ്ടാം സ്ഥാനത്ത് തുടരുന്നു, ലീഡർമാരായ നാപ്പോളിക്ക് 13 പോയിന്റ് പിന്നിൽ ആണ് ഇന്റർ. അതേസമയം, മിലാന്റെ തോൽവി അവരുടെ എല്ലാ മത്സരങ്ങളിലെയും തുടർച്ചയായ നാലാമത്തെ തോൽവിയാണ്. അവർ 38 പോയിന്റുമായി ആറാം സ്ഥാനത്തേക്ക് താഴ്ന്നു.