സീരി എയിൽ ലാസിയോ കിരീട പോരാട്ടം ശക്തമാക്കുന്നു. ഇന്നും ലാസിയോ വിജയം സ്വന്തമാക്കി. ഇന്ന് നടന്ന മത്സരത്തിൽ ജിനോയയെ നേരിട്ട ലാസിയോ ശക്തമായ പോരാട്ടത്തിന് ഒടുവിലാണ് വിജയം കണ്ടെത്തിയത്. രണ്ടിനെതിരെ മൂന്ന് ഗോളുകൾക്കായിരുന്നു ലാസിയോയുടെ വിജയം. മത്സരത്തിന്റെ രണ്ടാം മിനുട്ടിൽ തന്നെ ഇന്ന് ലാസിയോ മുന്നിൽ എത്തി.
രണ്ടാം മിനുട്ടിൽ മരൂസിച് ആണ് ഗോൾ നേടിയത്. രണ്ടാം പകുതിയുടെ തുടക്കത്തിൽ അവരുടെ സ്റ്റാർ സ്ട്രൈക്കർ ഇമ്മൊബിലെയിലൂടെ ലാസിയോ രണ്ടാം ഗോളും നേടി. കസാറ്റയിലൂടെ ഒരു ഗോൾ 57ആം മിനുട്ടിൽ ജെനോവ മടക്കിയെങ്കിലും പിന്നാലെ കറ്റാൽഡിയിലൂടെ ലാസിയോ രണ്ട് ഗോൾ ലീഡ് പുനർസൃഷ്ടിച്ചു. ഈ വിജയത്തോടെ ലാസിയോ 59 പോയന്റുമായി യുവന്റസിന് വെറും ഒരു പോയന്റ് മാത്രം പിറകിൽ നിൽക്കുകയാണ്.
