ക്രിസ്റ്റ്യാനോ റൊണാൾഡോ ആണോ ലയണൽ മെസ്സി ആണോ മികച്ച താരം എന്ന് ചോദ്യത്തിന് വളരെ വ്യത്യസ്തമായ മറുപടി പറഞ്ഞ് ഗൗതം ഗംഭീർ. ലോക ഫുട്ബോളിലെ ഇതിഹാസങ്ങളായ മെസ്സിയെയും റൊണാൾഡോയെയും എടുത്ത് ഇവരിൽ ആരെങ്കിലും ഒരാളെ തിരഞ്ഞെടുക്കാൻ വേണ്ടി ഗംഭീറിനോട് ചോദിച്ചപ്പോൾ ഗംഭീർ പറഞ്ഞത് ഇവര് രണ്ടുപേരും അല്ല പകരം മാഞ്ചസ്റ്റർ യുണൈറ്റഡ് യുവതാരമായ മാർക്കസ് റാഷ്ഫോർഡ് ആണ് മികച്ച ഫുട്ബോളർ എന്നാണ് ഗംഭീർ മറുപടി പറഞ്ഞത്.
സമീപകാലത്ത് ആയിട്ട് ഒട്ടും ഫോമിൽ ഇല്ലാത്ത മാർക്കസ് റാഷ്ഫോർഡിനെ മികച്ച കളിക്കാരനായി ഗംഭീർ പറഞ്ഞത് സോഷ്യൽ മീഡിയയിൽ ഗംഭീർ ട്രോൾ ചെയ്യപ്പെടാൻ കാരണമായി. ഈ സീസണിൽ ഫോം കണ്ടെത്താ‌ൻ കഷ്ടപ്പെടുന്ന റാഷ്ഫോർഫ് ഈ സീസണിൽ ആകെ രണ്ടു ഗോളുകൾ ആണ് ഇതുവരെ നേടിയത്‌. മോശം ഫോമിൽ ആയതു കൊണ്ട് തന്നെ റാഷ്ഫോർഡ് ഇപ്പോൾ ടെൻ ഹാഗിന്റെ ആദ്യ ഇലവനിൽ പോലും സ്ഥിരമായി ഉണ്ടാകാറില്ല.
