മാഞ്ചസ്റ്റർ സിറ്റി പ്രീമിയർ ലീഗ് ജേതാക്കളായതിന് പിന്നാലെ കിരീട നേട്ടം ഉക്രൈൻ ജനതക്ക് സമർപ്പിച്ച് മാഞ്ചസ്റ്റർ സിറ്റിയുടെ ഉക്രൈൻ താരം സിൻചെങ്കോ. തനിക്ക് മറക്കാനാവാത്ത ഒരു അനുഭവമാണ് ഇതെന്നും ഈ വിജയം റഷ്യൻ ആക്രമണത്തിൽ പട്ടിണി കിടക്കുന്നതും കഷ്ടപ്പാട് അനുഭവിക്കുന്നതുമായ ഉക്രൈൻ ജനതക്ക് സമർപ്പിക്കുന്നു എന്നും സിൻചെങ്കോ പറഞ്ഞു.
തന്റെ ജീവിതത്തിലെ ഏറ്റവും മോശം സമയത്ത് ആളുകൾ തനിക്ക് നൽകിയ പിന്തുണ മറക്കാൻ കഴിയില്ലെന്നും ഉക്രൈൻ ജനതക്ക് വേണ്ടി മരിക്കാൻ പോലും താൻ തയ്യാറാണെന്നും താരം പറഞ്ഞു. ഉക്രൈൻ യുദ്ധത്തിന്റെ തുടക്കത്തിൽ തനിക്ക് ഫുട്ബോളിനെപറ്റി ചിന്തിക്കാൻ കഴിഞ്ഞിരുന്നില്ലെന്നും എന്നാൽ ആ സമയത്ത് തനിക് ലഭിച്ച പിന്തുണകൊണ്ടാണ് കിരീടം നേടാൻ കഴിഞ്ഞതെന്നും സിൻചെങ്കോ പറഞ്ഞു.
