ഫുൾഹാമിനെതിരായ 1-0 വിജയത്തിൽ ക്ലബ്ബിനായി തന്റെ 266-ാം ഗോൾ നേടിയതിന് പിന്നാലെ ഹാരി കെയ്ൻ ടോട്ടൻഹാം ഹോട്സ്പറിന്റെ സംയുക്ത എക്കാലത്തെയും ടോപ് സ്കോററായി. 50 വർഷത്തിലേറെയായി റെക്കോർഡ് കൈവശം വച്ചിരുന്ന ക്ലബ് ഇതിഹാസം ജിമ്മി ഗ്രീവ്സിനൊപ്പം കെയ്ന് എത്തിയിരിക്കുകയാണ്. ശനിയാഴ്ച പ്രെസ്റ്റണിൽ നടക്കുന്ന എഫ്എ കപ്പ് നാലാം റൗണ്ടിൽ ഗോൾ നേടിയാൽ ഈ റെക്കോർഡ് തകർക്കാനും കെയ്നിനാകും.
കെയ്ൻ ടോട്ടനത്തിന്റെ മാത്രമല്ല ഇംഗ്ലണ്ടിന്റെയും എക്കാലത്തെയും ടോപ് സ്കോറർ ആണ്. ടോട്ടൻഹാമിന്റെ എക്കാലത്തെയും മികച്ച സ്കോറർമാരുടെ പട്ടികയിൽ ബോബി സ്മിത്ത് (208), മാർട്ടിൻ ചിവേഴ്സ് (174) തുടങ്ങിയവരെയൊക്കെ കെയ്ൻ നേരത്തെ മറികടന്നിരുന്നു.
