ബർമിംഗ്ഹാം സ്ട്രൈക്കർ ചെ ആഡംസിനെ സ്വന്തമാക്കി പ്രീമിയർ ലീഗ് ക്ലബ് സൗത്താംപ്ടൺ. ഏകദേശം പതിനഞ്ചു മില്യൺ പൗണ്ട് തുകക്കായാണ് അഞ്ചു വർഷത്തെ കരാറിൽ സൈന്റ്സ് ഈ യുവതാരത്തെ സ്വന്തമാക്കിയിരിക്കുന്നത്.ബർമിംഗ്ഹാമിനു വേണ്ടി 123 മത്സരങ്ങളിൽ കുപ്പായമണിഞ്ഞ ആഡംസ് 38 ഗോളുകൾ സ്വന്തം പേരിലാക്കിയിരുന്നു. കഴിഞ്ഞ സീസണിൽ 22 ഗോളുകൾ നേടിയ താരം മികച്ച ഫോമിലാണ്.
The Ralph Express rolls on!
Departing: Birmingham
Destination: SouthamptonWelcome aboard, @CheAdams_! #saintsfc pic.twitter.com/FcE8duLkfd
— Southampton FC (@SouthamptonFC) July 1, 2019
ഇക്കഴിഞ്ഞ ജനുവരി ട്രാൻസ്ഫർ വിൻഡോയിൽ തന്നെ ചെ ആഡംസിനെ ടീമിൽ എത്തിക്കാൻ സൗത്താംപ്ടൺ ശ്രമിച്ചിരുന്നു. എന്നാൽ ആ ശ്രമത്തിൽ പരാജയപ്പെട്ട സൈന്റ്സ് ഈ വിൻഡോയിൽ ഇംഗ്ലീഷ് താരത്തെ ടീമിൽ എത്തിക്കുകയായിരുന്നു.
ലെസ്റ്റർ സ്വദേശിയായ ചെ ആഡംസ് നോൺ ലീഗ് ക്ലബ് ഓഡബിയിലൂടെ ആണ് തന്റെ കരിയർ ആരംഭിച്ചത്. തുടർന്ന് 2014 ഷെഫീൽഡ് യുണൈറ്റഡിൽ എത്തിയ ആഡംസ് 2016ൽ ആണ് ബർമിംഗ്ഹാമിൽ എത്തിയത്.
