മാഞ്ചസ്റ്റർ യുണൈറ്റഡിന് സന്തോഷ വാർത്ത. ലിവർപൂളിനെതിരായ എഫ്എ കപ്പ് ക്വാർട്ടർ ഫൈനലിന് മുന്നോടിയായി 3 താരങ്ങൾ പരിക്കിൽ നിന്ന് മടങ്ങിയെത്തി. റാസ്മസ് ഹൊയ്ലുണ്ട്, ഹാരി മഗ്വയർ, ആരോൺ വാൻ-ബിസാക്ക എന്നിവർ തിരിച്ചെത്തിയതായി ടെൻ ഹാഗ് അറിയിച്ചു. മൂവരും ഈ ആഴ്ച പരിശീലനം നടത്തി.
ഹൊയ്ലുണ്ട് പരിക്കേറ്റ് പോയതോടെ മാഞ്ചസ്റ്റർ യുണൈറ്റഡിന്റെ പ്രകടനങ്ങൾ വീണ്ടും മോശമായിരുന്നു. താരം തിരിച്ചെത്തുന്നത് യുണൈറ്റഡിന്റെ ഗോളിന് മുന്നിലുള്ള പ്രശ്നങ്ങൾക്ക് പരിഹാരമാകും എന്ന് അവർ പ്രതീക്ഷിക്കുന്നു.
പരിക്കേറ്റ് പോകുന്നതിന് മുമ്പ് തുടർച്ചയായി ആറ് കളികളിൽ ഹൊയ്ലുണ്ട് സ്കോർ ചെയ്തിരുന്നു മഗ്വയർ വരുന്നത് യുണൈറ്റഡ് ഡിഫൻസും മെച്ചപ്പെടുത്തും. വാൻ ബിസാക വന്നാൽ ഡാലോട്ട് ലെഫ്റ്റ് ബാക്കിലേക്ക് പോകാനും സാധ്യതയുണ്ട്.
