മാഞ്ചസ്റ്റർ യുണൈറ്റഡ് വിടാൻ ശ്രമിക്കുന്ന പോഗ്ബയോട് ക്ലബ് വിടരുത് എന്ന് ആവശ്യപ്പെട്ട് സഹതാരം യുവാൻ മാറ്റ. പോഗബ് മാഞ്ചസ്റ്റർ യുണൈറ്റഡിന്റെ അവിഭാജ്യ ഘടകമാണ്. അതുകൊണ്ട് തന്നെ പോഗ്ബ ക്ലബ് വിടുന്നതിനെ മോശമായി ബാധിക്കും എന്ന് മാറ്റ പറയുന്നു. പോഗ്ബ ക്ലബിൽ തുടരുമെന്ന് തന്നെയാണ് വിശ്വാസം എന്നും സ്പാനിഷ് താരം പറഞ്ഞു.
പോഗ്ബ സന്തോഷവാനാണ് ഇവിടെ എന്നും പോഗ്ബ ടീമിനെ മുഴുവൻ ഒരുമിച്ചാക്കുന്നു എന്നും മാറ്റ പറഞ്ഞു. എല്ലാവരെയും സന്തോഷിപ്പിക്കാൻ കഴിവുള്ള താരമാണ് പോഗ്ബ എന്നും മാറ്റ പറഞ്ഞു. ഇപ്പോൾ പ്രീസീസൺ ടൂറിനായി ഏഷ്യയിലാണ് മാഞ്ചസ്റ്റർ യുണൈറ്റഡ് ഉള്ളത്. പോഗ്ബയ്ക്കായി നിരവധി ക്ലബുകൾ രംഗത്ത് ഉണ്ടെങ്കിലും താരത്തെ വിൽക്കണ്ട എന്ന തീരുമാനത്തിലാണ് മാഞ്ചസ്റ്റർ യുണൈറ്റഡ് ഉള്ളത്.
