Local Sports News in Malayalam

ഫാബിയാൻ ഷാറിന്റെ റോക്കറ്റ്, ന്യൂകാസിൽ ജയിച്ച് കൊണ്ട് തുടങ്ങി

ഈ സീസണിൽ വലിയ സ്വപ്നങ്ങൾ കാണുന്ന ന്യൂകാസിൽ യുണൈറ്റഡ് ഏകപക്ഷീയ വിജയവുമായി സീസൺ ആരംഭിച്ച്. പ്രീമിയർ ലീഗിലെ ആദ്യ മത്സരത്തിൽ നോട്ടിങ്ഹാം ഫോറസ്റ്റിനെ നേരിട്ട ന്യൂകാസിൽ എതിരില്ലാത്ത രണ്ടു ഗോളുകളുടെ വിജയം ഇന്ന് സ്വന്തമാക്കി. തുടക്കം മുതൽ ന്യൂകാസിലിന്റെ ആധിപത്യം ആയിരുന്നു എങ്കിലും ആദ്യ ഗോൾ വരാൻ സമയം എടുത്തു.

രണ്ടാം പകുതിയിൽ 58ആം മിനുട്ടിൽ ആണ് ന്യൂകാസിൽ ലീഡ് എടുത്തത്. സ്വിസ് ഡിഫൻഡർ ഫാബിയൻ ഷാറിന്റെ ഒരു റോക്കറ്റ് ആണ് ന്യൂകാസിലിനെ മുന്നിൽ എത്തിച്ചത്. 78ആം മിനുട്ടിൽ കാലം വിൽസൺ കൂടെ ഗോൾ നേടിയതോടെ ന്യൂകാസിൽ യുണൈറ്റഡ് വിജയം ഉറപ്പിച്ചു. ഇന്ന് ന്യൂകാസിൽ മധ്യനിരയിൽ ജോലിങ്ടണും ബ്രൂണോ ഗുയിമാറസും ഗംഭീര പ്രകടനമാണ് കാഴ്ചവെച്ചത്.

Story Highlight: Newcastle 2-0 Nott’m Forest

Two excellent second half goals wrap up the three points for Newcastle

#NEWNFO

You might also like