ക്രിസ്റ്റ്യാനോ റൊണാൾഡോ തന്നോട് അങ്ങോട്ട് ആവശ്യപ്പെട്ടത് കൊണ്ടാണ് അഭിമുഖം ദ സണിനു ആയുള്ള അഭിമുഖം എടുത്തത് എന്നു വ്യക്തമാക്കി ഇംഗ്ലീഷ് മാധ്യമപ്രവർത്തകൻ പിയേഴ്സ് മോർഗൻ. മോർഗനോടുള്ള അഭിമുഖത്തിൽ ആണ് ലോകത്തെ ഞെട്ടിച്ചു കൊണ്ടു റൊണാൾഡോ തന്റെ ക്ലബ് മാഞ്ചസ്റ്റർ യുണൈറ്റഡിനു എതിരെ ആഞ്ഞടിച്ചത്. സമീപകാലത്ത് തന്നെ റൊണാൾഡോ അഭിമുഖത്തിനു ആയി സമീപിക്കുക ആണെന്ന് പറഞ്ഞു.
അഭിമുഖത്തിൽ പറഞ്ഞ കാര്യങ്ങൾ പുറത്ത് പറയണം എന്ന് കുറച്ചു കാലങ്ങളായി റൊണാൾഡോക്ക് ഉണ്ടായിരുന്നു എന്നും മോർഗൻ വ്യക്തമാക്കി. ക്ലബിന് എതിരെയും മുൻ പരിശീലകർക്ക് എതിരെയും രൂക്ഷവിമർശനം ഉന്നയിച്ച റൊണാൾഡോ പരിശീലകൻ എറിക് ടെൻ ഹാഗിനെയും യുണൈറ്റഡ് ഇതിഹാസം വെയിൻ റൂണിയെയും വരെ അതിരൂക്ഷമായ ഭാഷയിൽ വിമർശിച്ചിരുന്നു. മാഞ്ചസ്റ്റർ യുണൈറ്റഡിനെ റൊണാൾഡോക്ക് ഇന്നും ഇഷ്ടമാണ് എന്നു പറഞ്ഞ മോർഗൻ ഇപ്പോൾ തുറന്നു പറഞ്ഞില്ലെങ്കിൽ യുണൈറ്റഡിൽ ഒരു മാറ്റവും ഉണ്ടാവില്ലെന്ന് റൊണാൾഡോക്ക് അറിയാം എന്നും അദ്ദേഹം കൂട്ടിച്ചേർത്തു.
