സിറ്റിയെ വിറപ്പിച്ച വീര്യവുമായി എത്തിയ വോൾവ്സിനെഎതിരില്ലാത്ത 1 ഗോളിന് മറികടന്ന ലിവർപൂൾ കിരീടത്തിലേക്ക് ഒരു ചുവട് കൂടെ അടുത്തു. സാഡിയോ മാനെ ആദ്യ പകുതിയിൽ നേടിയ ഏക ഗോളാണ് മത്സരത്തിൽ നിർണായകമായത്.
VAR നിർണായകമായ മത്സരത്തിൽ സാഡിയോ മാനെ നേടിയ ലിവർപൂളിന്റെ ഗോൾ ആദ്യം റഫറി ഹാൻഡ് ബോൾ വിധിച്ചെങ്കിലും VAR പക്ഷെ ഗോൾ അനുവദിച്ചു നൽകി. പിന്നീട് ആദ്യ പകുതിയുടെ ഇഞ്ചുറി മിനുട്ടിൽ പെഡ്രോ നെറ്റോ ലിവർപൂൾ വല കുലുക്കിയെങ്കിലും VAR ഓഫ് സൈഡ് വിധിച്ചത് ക്ളോപ്പിന് ആശ്വാസമായി. രണ്ടാം പകുതിയിൽ സൈസ്, ട്രയോറെ, ഹിമനസ് എന്നുവരെ എല്ലാം ഇറക്കി വോൾവ്സ് സമനില ഗോളിനായി ശ്രമിച്ചെങ്കിലും ലിവർപൂൾ പ്രതിരോധം തകർക്കാൻ അവർക്കായില്ല. നിലവിൽ 55 പോയിന്റുള്ള ലിവർപൂൾ രണ്ടാം സ്ഥാനകാരായ ലെസ്റ്ററിനെക്കാൾ 13 പോയിന്റ് മുൻപിലാണ്.
