ജാക് ഹാരിസണിനെ വിൽക്കാൻ ഇല്ലെന്ന നിലപാടിൽ ലീഡ്സ് യുണൈറ്റഡ്
ലീഡ്സ് യുണൈറ്റഡ് താരം ജാക് ഹാരിസണിനു ആയുള്ള ന്യൂകാസ്റ്റിൽ യുണൈറ്റഡിന്റെ രണ്ടാം ശ്രമവും ലീഡ്സ് യുണൈറ്റഡ് നിരസിച്ചു. ആദ്യ ശ്രമം പരാജയപ്പെട്ട ശേഷം മുൻ മാഞ്ചസ്റ്റർ സിറ്റി താരമായ ഇംഗ്ലീഷ് താരത്തിന് ആയി 20 മില്യണു മുകളിലുള്ള കരാർ ആണ് ലീഡ്സ് മുന്നോട്ട് വച്ചത്. എന്നാൽ 35 മില്യൺ എങ്കിലും ലീഡ്സ് താരത്തിന് ആയി പ്രതീക്ഷിക്കുന്നുണ്ട്.
എന്നാൽ ഈ തുക മുന്നോട്ട് വച്ചാലും താരത്തെ വിൽക്കാനില്ല എന്ന നിലപാട് ആണ് ലീഡ്സ് പരിശീലകൻ ജെസെ മാർഷിന് ഉള്ളത്. ഈ സീസൺ തുടക്കത്തിൽ മിന്നും ഫോമിൽ ആണ് ഹാരിസൺ. കളിച്ച മൂന്നു കളിയിലും അസിസ്റ്റ് നേടിയ താരം കഴിഞ്ഞ ചെൽസിക്ക് എതിരായ കളിയിൽ ഒരു ഗോളും അസിസ്റ്റും നേടിയിരുന്നു. താരത്തിന് ആയി ഇനിയും ന്യൂകാസ്റ്റിൽ ശ്രമിക്കാൻ തന്നെയാണ് സാധ്യത.
