അനായാസ ജയവുമായി ലക്ഷ്യ സെന്‍

Lakshyasen

ബിഡബ്ല്യുഎഫ് ലോക ചാമ്പ്യന്‍ഷിപ്പ്സ് 2022ൽ ലക്ഷ്യ സെന്നിന് വിജയം. ഡെന്മാര്‍ക്കിന്റെ ഹാന്‍സ്-ക്രിസ്റ്റ്യന്‍ സോൽബര്‍ഗ് വിട്ടിംഗ്ഹസിനെ ആണ് ലക്ഷ്യ പരാജയപ്പെടുത്തിയത്. 21-12, 21-11 എന്ന സ്കോറിന് ആണ് ലക്ഷ്യയുടെ വിജയം.

അതേ സമയം വനിത സിംഗിള്‍സിൽ മാളവിക ബന്‍സോദ് തോൽവിയേറ്റ് വാങ്ങി. ഡെന്മാര്‍ക്കിന്റെ ലൈന്‍ ക്രിസ്റ്റോഫര്‍സെനിന്നോടാണ് മാളവിക തോൽവിയേറ്റ് വാങ്ങിയത്. 14-21, 12-21 എന്ന സ്കോറിനാണ് മാളവിക ബന്‍സോദ് പരാജയം ഏറ്റുവാങ്ങിയത്.

പുരുഷ ഡബിള്‍സിൽ മനു അട്രി – സുമീത് റെഡ്ഢി കൂട്ടുകെട്ടിനെ 11-21, 21-19, 15-21 എന്ന സ്കോറിനാണ് ജപ്പാന്റെ ഡബിള്‍സ് ജോഡിയോട് പരാജയപ്പെട്ടത്.