പരിശീലനത്തിനിടെ പരിക്കേറ്റ മാഞ്ചസ്റ്റർ സിറ്റി താരം ഡി ബ്രൂണെക്ക് രണ്ട് മുതൽ മൂന്ന് മാസം വരെ പുറത്തിരിക്കേണ്ടി വരുമെന്ന് റിപ്പോർട്ടുകൾ. പ്രീമിയർ ലീഗ് കിരീടം ഇത്തവണയും എത്തിഹാദിൽ എത്തിക്കാനുറച്ച് ഇറങ്ങിയ ഗ്വാർഡിയോളക്ക് താരത്തിന്റെ പരിക്ക് തിരിച്ചടിയാവും. കാൽമുട്ടിന്റെ ലിഗ്മെന്റിനാണ് താരത്തിന് പരിക്കേറ്റത്.
കഴിഞ്ഞ സീസണിൽ സിറ്റിക്ക് വേണ്ടി 52 മത്സരങ്ങൾ കളിച്ച താരം ലോകകപ്പിൽ ബെൽജിയത്തിനു വേണ്ടിയും മത്സരങ്ങൾ കളിച്ചിരുന്നു. കഴിഞ്ഞ ദിവസം ആഴ്‌സണലിനെതിരെ താരം പകരക്കാരനായി ഇറങ്ങിയിരുന്നു. 2016ൽ ജനുവരിയിൽ താരത്തിന് എവർട്ടനെതിരെ ഇതെ പോലെയു ഒരു പരിക്ക് താരത്തിന് പറ്റിയിരുന്നു. അന്ന് രണ്ട് മാസത്തോളം താരം കളത്തിനു പുറത്തായിരുന്നു.
കൂടുതൽ കായിക വാർത്തകൾക്ക് : www.facebook.com/FanportOfficial
