ഇംഗ്ലീഷ് പ്രീമിയർ ലീഗിൽ ചെൽസിക്ക് നിരാശ. ഇന്ന് ഇഞ്ച്വറി ടൈമിൽ നേടിയ ഗോളിൽ ഷെഫീൽഡ് യുണൈറ്റഡ് ചെൽസിയെ സമനിലയിൽ പിടിച്ചു. 2-2 എന്ന നിലയിലാണ് മത്സരം അവസാനിച്ചത്. 94 മിനുട്ട് വരെ 2-1ന് മുന്നിട്ട് നിന്ന് ശേഷമായിരുന്നു സമനില എന്നത് ചെൽസിക്ക് വലിയ നിരാശ നൽകും.
മത്സരത്തിന്റെ 11ആം മിനുട്ടിൽ ഡിഫൻഡർ തിയാഗോ സിൽവ ആണ് ചെൽസിക്ക് ലീഡ് നൽകിയത്. 32ആം മിനുട്ടിൽ ജയ്ദൻ ബോഗ്ലോയിലൂടെ ഷെഫീൽഡ് സമനില കണ്ടെത്തി.
66ആം മിനുട്ട് വരെ ഈ സമനില തുടർന്നു. 66ആം മിനുട്ടിൽ നോനി മദുവേക ചെൽസിക്ക് ലീഡ് നൽകി. ഈ ഗോൾ വിജയഗോളായി മാറും എന്നായിരുന്നു കരുതിയത്‌. എന്നാൽ 94ആം മിനുട്ടിൽ ഒരു സെറ്റ് പീസിൽ നിന്ന് ഷെഫീൽഡ് സമനില കണ്ടെത്തി. ഒലി മക്ബേർണി ആണ് സമനില ഗോൾ നേടിയത്‌.
ഈ സമനിലയീടെ ചെൽസി 44 പോയിന്റുമായി ലീഗിൽ ഒമ്പതാം സ്ഥാനത്ത് നിൽക്കുകയാണ്. ഷെഫീൽഡ് 16 പോയിന്റുമായി ലീഗിൽ അവസാന സ്ഥാനത്ത് നിൽക്കുന്നു.
