വെസ്റ്റ് ഹാമിനെ ബ്രയ്ട്ടൻ വീഴ്ത്തി

- Advertisement -

മാഞ്ചസ്റ്റർ യുണൈറ്റഡിനെ വീഴ്ത്തിയ ആത്മവിശ്വാസവുമായി എത്തിയ വെസ്റ്റ് ഹാം യുണൈറ്റഡ് ബ്രയ്ട്ടനിൽ വീണു. എതിരില്ലാത്ത ഒരു ഗോളിനാണ് ബ്രയ്ട്ടൻ പല്ലെഗ്രിനിയുടെ ടീമിനെ മറികടന്നത്. ജയത്തോടെ 8 പോയിന്റുള്ള ബ്രയ്ട്ടൻ ലീഗിൽ 12 ആം സ്ഥാനത്തേക്ക് ഉയർന്നപ്പോൾ 7 പോയിന്റുള്ള വെസ്റ്റ് ഹാം 15 ആം സ്ഥാനത്താണ്.

ഗ്ലെൻ മറി ആദ്യ പകുതിയിൽ നേടിയ ഗോളാണ് മത്സര ഫലം നിർണയിച്ചത്. വെസ്റ്റ് ഹാം ആക്രമണ നിരയെ പിടിച്ചു കെട്ടിയ ബ്രയ്ട്ടൻ പ്രതിരോധവും അവരുടെ ജയത്തിൽ നിർണായക സ്വാധീനം ചെലുത്തി. രണ്ടാം പകുതിയിൽ മറിയുടെ 2 ഹെഡറുകൾ ഗോളാകാതെ പോയത് ഹാമേഴ്സിന് രക്ഷയായി.

Advertisement