ആഴ്സണൽ പുതിയ സീസണായുള്ള ഹോം കിറ്റ് അവതരിപ്പിച്ചു. ആഴ്സണലിന്റെ ഇൻവിൻസിബിൾ സീസണിന്റെ 20-ാം വാർഷികം ആഘോഷിക്കുന്നതിനാൽ ആ സീസണിലെ ജേഴ്സിയോട് സാമ്യമുള്ള ജേഴ്സി ആണ് ആഴ്സണൽ 2023-24 ലേക്കും ഒരുക്കുന്നത്‌. 2003-04-ലെ കിരീടം നേടിയ ആ ഐതിഹാസിക സീസണിൽ, ആഴ്‌സൻ വെംഗറുടെ കീഴിൽ38 പ്രീമിയർ ലീഗ് മത്സരങ്ങൾ പരാജയപ്പെടാതെ ആഴ്സണൽ സീസൺ പൂർത്തിയാക്കിയിരുന്നു.
അഡിഡാസ് ആണ് ജേഴ്സി ഡിസൈൻ ചെയ്തത്. വെളുത്ത സ്ലീവിനൊപ്പം പതിവ് ചുവപ്പ് കളർ ഷേഡിൽ ആണ് ആഴ്സണലിന്റെ പുതിയ ഡിസൈൻ. ജേഴ്സി ആഴ്സണൽ വെവ്സൈറ്റിലും അഡിഡാസ് സ്റ്റോറും ലഭ്യമാകും.
