Football

ചാമ്പ്യൻസ് ലീഗ് യോഗ്യത നേടാത്തതിന് മാപ്പു പറഞ്ഞ് മൊ സലാ

1 min read

ലിവർപൂൾ ചാമ്പ്യൻസ് ലീഗ് യോഗ്യത നേടാത്തത് വലിയ വേദന നൽകുന്നു എന്ന് ലിവർപൂൾ തരം മൊ സലാ. യോഗ്യത നേടാൻ ആകാത്തതിൽ അദ്ദേഹം ആരാധകരോട് ക്ഷമാപണം നടത്തുകയും ചെയ്തു. ഇന്നലെവ്മാഞ്ചസ്റ്റർ യുണൈറ്റഡ് സ്വന്തം തട്ടകത്തിൽ ചെൽസിയെ 4-1ന് തോൽപ്പിച്ചതോടെയാണ് ലിവർപൂളിന്റെ ചാമ്പ്യൻസ് ലീഗ് പ്രതീക്ഷകൾ അവസാനിച്ചത്.

Picsart 23 05 26 12 34 02 234

ട്വിറ്ററിലൂടെയാണ് സലാ തന്റെ വിഷമം പങ്കുവെച്ചത്. “ഞാൻ ആകെ തകർന്നുപോയി. ഇതിന് ഒരു ഒഴികഴിവും പറയാനില്ല. അടുത്ത വർഷത്തെ ചാമ്പ്യൻസ് ലീഗിൽ എത്താൻ ആവശ്യമായതെല്ലാം ഞങ്ങൾക്കുണ്ടായിരുന്നു,പക്ഷെ ഞങ്ങൾ പരാജയപ്പെട്ടു” സലാ പറഞ്ഞു.

“ഞങ്ങൾ ലിവർപൂളാണ്, ചാമ്പ്യൻസ് ലീഗ് യോഗ്യത നേടുന്നത് ഏറ്റവും കുറഞ്ഞ കാര്യമാണ്. ഞങ്ങൾ നിങ്ങളെയും ഞങ്ങളെത്തന്നെയും നിരാശപ്പെടുത്തുന്നു. ക്ഷമിക്കണം” സലാ പറയുന്നു.