കൊണ്ടേയെ പരിശീലകനായി എത്തിക്കാനുള്ള ശ്രമങ്ങൾ അവസാനിപ്പിച്ച് ടോട്ടൻഹാം

ഇന്റർ മിലാന് സെരി എ കിരീടം നേടിക്കൊടുത്ത പരിശീലകൻ അന്റോണിയോ കൊണ്ടേയെ പരിശീലകനായി എത്തിക്കാനുള്ള ശ്രമങ്ങൾ അവസാനിപ്പിച്ച് ടോട്ടൻഹാം. കൊണ്ടേക്ക് ടോട്ടൻഹാമിന്റെ കൂടെ ഉടൻ കിരീടം നേടാൻ കഴിയില്ലെന്ന തോന്നൽ വന്നതാണ് കൊണ്ടേ ടോട്ടൻഹാമിനൊപ്പം ചേരാനുള്ള ചർച്ചകൾ അവസാനിപ്പിച്ചത്.

അതെ സമയം കൊണ്ടേയുടെ ചില നിർദേശങ്ങൾ ടോട്ടൻഹാം അംഗീകരിക്കാതിരുന്നതും യുവതാരങ്ങളെ കൂടുതൽ ടീമിൽ ഉൾപ്പെടുത്താനുള്ള ക്ലബ്ബിന്റെ ശ്രമങ്ങൾക്ക് എതിരെ കൊണ്ടേ നിന്നതും ചർച്ചകൾ അവസാനിപ്പിക്കാൻ കാരണമായി. നേരത്തെ ഇന്റർ മിലാൻ മാനേജ്‌മെന്റുമായുള്ള പ്രശ്നങ്ങളെ തുടർന്നാണ് സെരി എ കിരീടം നേടിയതിന് ശേഷം കൊണ്ടേ ഇന്റർ മിലാൻ വിട്ടത്. കഴിഞ്ഞ 10 വർഷത്തിനിടെ 5 ലീഗ് കിരീടങ്ങൾ നേടിയ പരിശീലകനാണ് കൊണ്ടേ.

Previous articleസ്പാനിഷ് പരിശീലകൻ കികോ റമിറസ് ഒഡീഷയുടെ പരിശീലകനാകും
Next articleഅരങ്ങേറ്റ സീസൺ അവിസ്മരണീയം, ദിയാസ് പ്രീമിയർ ലീഗിലെ മികച്ച താരം