എഡ്സൺ അൽവാരസിനു ആയി ചെൽസി 50 മില്യൺ ഓഫർ മുന്നോട്ട് വച്ചത് ആയി സൂചന
മധ്യനിരയിൽ നേരിടുന്ന പ്രശ്നങ്ങൾ പരിഹരിക്കാൻ അയാക്സിന്റെ മെക്സിക്കൻ താരം എഡ്സൺ അൽവാരസിനെ സ്വന്തമാക്കാൻ ചെൽസി ശ്രമം. താരത്തിന് ആയി 50 മില്യൺ യൂറോയുടെ വലിയ കരാർ നിലവിൽ ചെൽസി മുന്നോട്ട് വച്ചു എന്നാണ് റിപ്പോർട്ട്. അതേസമയം താരത്തെ വിട്ടു കൊടുക്കാൻ അയാക്സിനു താൽപ്പര്യം ഇല്ല. അയാക്സ് മധ്യനിരയിലെ എഞ്ചിൻ ആണ് മെക്സിക്കൻ താരം.
അൽവാരസിനെ ടീമിൽ എത്തിച്ചു മധ്യനിരയിലെ നിലവിലെ പ്രശ്നങ്ങൾ പരിഹരിക്കാൻ ആണ് ചെൽസി ശ്രമം. താരത്തിനും പ്രീമിയർ ലീഗിലേക്ക് പോവാൻ താൽപ്പര്യം ഉണ്ടെന്നാണ് സൂചന. മെക്സിക്കൻ ടീമിലെ പ്രധാന താരമായ അൽവാരസിനെ ലോകകപ്പിന് ശേഷം വിൽക്കാൻ ആണ് അയാക്സ് ശ്രമം. എന്നാൽ നാലിരട്ടി ശമ്പളം മുന്നോട്ട് വച്ച ചെൽസിയിലേക്ക് പോവാൻ ഉറച്ച താരം ഇന്ന് പരിശീലനത്തിൽ പങ്കെടുത്തില്ല എന്നും റിപ്പോർട്ടുകൾ ഉണ്ട്.
