ഒസിമെനെ സ്വന്തമാാക്കാൻ ഡെഡ്ലൈൻ ഇട്ട് നാപോളി, ഗാലറ്റസറേയ്ക്ക് തിങ്കളാഴ്ച വരെ മാത്രം സമയം

വിക്ടർ ഒസിമെനെ സ്ഥിരമായി ടീമിലെത്തിക്കുന്നതിനുള്ള നടപടികൾ പൂർത്തിയാക്കാൻ ഗാലറ്റസറേയ്ക്ക് നാപോളി തിങ്കളാഴ്ച വരെ സമയം അനുവദിച്ചു. നീണ്ട ചർച്ചകൾക്കും അങ്ങോട്ടുമിങ്ങോട്ടുമുള്ള സംസാരങ്ങൾക്കും ശേഷമാണ് നാപോളി ഈ തീരുമാനം അറിയിച്ചത്. തുർക്കിയിലെ ഇസ്താംബൂളിൽ ലോൺ വ്യവസ്ഥയിൽ കളിച്ച നൈജീരിയൻ സ്ട്രൈക്കർ 41 മത്സരങ്ങളിൽ നിന്ന് 37 ഗോളുകളും എട്ട് അസിസ്റ്റുകളും നേടി മികച്ച പ്രകടനം കാഴ്ചവെച്ചിരുന്നു.

വ്യക്തിഗത നിബന്ധനകൾക്ക് ഒസിമെൻ ഇതിനോടകം സമ്മതം മൂളിയിട്ടുണ്ട്.
75 മില്യൺ യൂറോയുടെ (40 മില്യൺ യൂറോ മുൻകൂറായും 35 മില്യൺ യൂറോ 2026 ജൂണോടെ തവണകളായും) കരാറിന് ഇറ്റാലിയൻ ക്ലബ്ബ് ധാരണയിൽ എത്തിയിട്ടുമുണ്ട്. അടുത്ത രണ്ട് വർഷത്തിനുള്ളിൽ ഒസിമെനെ സീരി എയിലെ ഒരു എതിരാളിക്ക് വിൽക്കുന്നതിൽ നിന്ന് വിലക്കുന്ന കർശനമായ വ്യവസ്ഥ ഗാലറ്റസറേ അംഗീകരിച്ചു. ഇത് ലംഘിച്ചാൽ വലിയ സാമ്പത്തിക പിഴ ഒടുക്കേണ്ടി വരും.

തിങ്കളാഴ്ചയ്ക്കകം നടപടിക്രമങ്ങൾ പൂർത്തിയാക്കുന്നതിൽ ഗാലറ്റസറേ പരാജയപ്പെട്ടാൽ, ഇറ്റാലിയൻ ക്ലബ്ബ് കരാറിൽ നിന്ന് പിന്മാറിയേക്കാം. ഇത് മറ്റ് ക്ലബ്ബുകൾക്ക് ഒസിമെനെ സ്വന്തമാക്കാൻ അവസരം നൽകിയേക്കും.