യുവേഫയുടെ നാഷൺസ് ലീഗിൽ ഇനി ലാറ്റിനമേരിക്കൻ രാജ്യങ്ങളും പങ്കെടുക്കും. 2024 മുതൽ സൗത്ത് അമേരിക്കൻ രാജ്യങ്ങൾക്ക് യുവേഫ നേഷൻസ് ലീഗിൽ ചേരാൻ കഴിയുമെന്ന് യുവേഫ വൈസ് പ്രസിഡന്റ് Zbigniew Boniek ആണ് പറഞ്ഞത്, ഫിഫയുടെ രണ്ട് വർഷത്തിൽ ലോകകപ്പ് എന്ന പദ്ധതി തകർക്കാൻ ആണ് യുവേഫയും ലാറ്റിനമേരിക്കൻ ഫുട്ബോൾ അധികൃതരും കൂടി ഇങ്ങനെ ഒരു നീക്കം നടത്തുന്നത്.
“നടക്കാൻ പോകുന്നത് ഈ ഫോർമാറ്റിലെ അവസാന നേഷൻസ് ലീഗാണ്,” എന്ന് ബോണിക് പറഞ്ഞു. “2024 മുതൽ, CONMEBOL രാജ്യങ്ങൾ നേഷൻസ് ലീഗിൽ ചേരും. ”അദ്ദേഹം പറഞ്ഞു. ഈ നീക്കം നേഷൻസ് ലീഗിനെ കൂടുതൽ പ്രാധാന്യമുള്ളതാക്കും എന്നും അദ്ദേഹം പറഞ്ഞു. അർജന്റീനയും ബ്രസീലും ഉൾപ്പെടെ 10 രാജ്യങ്ങൾ ഇതോട് നാഷൺസ് ലീഗിന്റെ ഭാഗമാകും.
