മേജർ ലീഗ് സോക്കറിൽ വീണ്ടും വെയ്ൻ റൂണി മാജിക്. ഇന്നലെ മുൻ മാഞ്ചസ്റ്റർ യുണൈറ്റഡ് താരം നാനിയുടെ ഒർലാണ്ടോ സിറ്റിക്കെതിരേയുള്ള മത്സരത്തിൽ അസാധ്യമായ ആംഗിളിൽ നിന്ന് ഗോൾ നേടിയാണ് റൂണി ഫുട്ബോൾ ആരാധകരെ ഞെട്ടിച്ചത്. മത്സരത്തിൽ റൂണിയുടെ ഗോളിൽ 2-1ന് ഒർലാണ്ടോ സിറ്റിയെ തോൽപിച്ച് ഡി.സി യുണൈറ്റഡ് ലീഗിൽ ഒന്നാം സ്ഥാനത്ത് എത്തിയിരുന്നു. ഈ സീസണിൽ റൂണിയുടെ നാലാമത്തെ ഗോളായിരുന്നു ഇത്. മത്സരത്തിൽ ആദ്യ ഗോളിന് വഴി ഒരുക്കിയതും റൂണി തന്നെയായിരുന്നു.
R⚽️⚽️⚽️⚽️⚽️⚽️⚽️⚽️NEY!
ARE YOU SERIOUS?!?#ORLvDC https://t.co/OHb0DywwBv
— Major League Soccer (@MLS) March 31, 2019
മത്സരത്തിന്റെ ഗോൾ നേടി ഡി.സി യുണൈറ്റഡ് മത്സരത്തിൽ ആധിപത്യം സ്ഥാപിച്ചു. സ്റ്റീവ് ബിർൺബാം ആണ് ഗോൾ നേടിയത്. തുടർന്നാണ് ലോകകപ്പിൽ ജർമൻ താരം ടോണി ക്രൂസ് നേടിയ ഗോളിനെ അനുസ്മരിപ്പിക്കുന്ന തരത്തിൽ റൂണി അസാധ്യമായ ആംഗിളിൽ നിന്ന് ഗോൾ നേടി ഡി.സി യുണൈറ്റഡിന്റെ ലീഡ് ഉയർത്തിയത്. രണ്ടാം പകുതിയിൽ ഡോം ഡോയർ ഒരു ഗോൾ മടക്കിയെങ്കിലും ഡി.സി യുണൈറ്റഡ് അനായാസം ജയിക്കുകയായിരുന്നു.
