യുവന്റസ് വിട്ട മറ്റ്യുഡി ബെക്കാമിന്റെ ഇന്റർ മിയാമിയിലിയ്ക്ക്

ഫ്രഞ്ച് ഫുട്ബാൾ താരം ബ്ലൈസ് മറ്റ്യുഡി എംഎൽഎസ് ക്ലബ് ഇന്റർ മിയാമിയിൽ ചേരും. മുൻ മാഞ്ചസ്റ്റർ യുണൈറ്റഡ് താരം ഡേവിഡ് ബെക്കാമിന്റെ ഉടമസ്ഥതയിൽ ഉള്ള ക്ലബായ ഇന്റർ മിയാമിയിൽ ചേരുമെന്ന് മറ്റ്യുഡി ട്വിറ്ററിൽ കുറിക്കുകയായിരുന്നു.

കഴിഞ്ഞ മൂന്നു വർഷമായി യുവന്റസിലായിരുന്നു മറ്റ്യുഡി കളിച്ചിരുന്നത്, എന്നാൽ കരാർ അവസാനിച്ചതോടെ താരം യുവന്റസ് വിടുകയായിരുന്നു. ലോകകപ്പ് ജേതാവായ മറ്റ്യുഡി യുവന്റസിന്റെ കൂടെ 3 സീരി എ കിരീടങ്ങളും പിഎസ്ജിയുടെ കൂടെ നാല് ലീഗ് 1 കിരീടങ്ങളും സ്വന്തമാക്കിയിട്ടുണ്ട്.
ഇന്റർ മിയാമിക്കൊപ്പം 8-ാം നമ്പർ ഷർട്ട് ധരിക്കുന്ന മറ്റ്യുഡി നിലവിൽ എം‌എൽ‌എസിൽ കളിക്കുന്ന ഏക ലോകകപ്പ് ജേതാവാകും.

കൊറോണ മൂലം മുടങ്ങിയിരിക്കുന്ന എംഎസ്എൽ ഈ മാസം 22 നു പുനരാരംഭിക്കാനിരിക്കുകയാണ്.

 

Previous articleകേരള ബ്ലാസ്റ്റേഴ്സ് താരം ഹാളിചരൺ നർസാരി ഇനി ഹൈദരബാദ് എഫ് സിയിൽ
Next articleലിവർപൂളിന്റെ എവേ ജേഴ്സിയും എത്തി