Category: Major League Soccer

മുൻ അമേരിക്കൻ ക്യാപ്റ്റൻ ലണ്ടൺ ഡൊണാവനോടുള്ള ആദര സൂചകമായി എൽ എ ഗാലക്സി അദ്ദേഹത്തിന്റെ പ്രതിമ അനാച്ഛാദനം ചെയ്തു. ഗാലക്സിയുടെ ഹോൻ ഗ്രൗണ്ടിന് പുറത്താണ് ഡൊണാവന്റെ സ്റ്റാറ്റ്യു സ്ഥാപിച്ചിരിക്കുന്നത്. പത്ത് വർഷത്തിൽ അധികം ഗാലക്സിക്ക് വേണ്ടി കളിച്ചിട്ടുള്ള ഡൊണൊവൻ 250ൽ അധികം മത്സരങ്ങൾ ഗാലക്സിക്കായി കളിച്ചിരുന്നു. അവർക്ക് ഒപ്പം 7 കിരീടങ്ങൾ നേടിയ ഡൊണൊവൻ 113 ഗോളുകളും 107 അസിസ്റ്റും ക്ലബിന് സംഭാവന ചെയ്തിട്ടുണ്ട്.

മേജർ ലീഗ് സോക്കർ ക്ലബ്ബായ എഫ്സി ഡല്ലാസ് പരിശീലകനായ ലൂചി ഗോൺസാൽവസിനെ പുറത്താക്കി. ഹൂസ്റ്റൺ ഡൈനാമോസിനോട് പരാജയപ്പെട്ടതിന് പിന്നാലെയാണ് ഡല്ലാസ് എഫ്സി പരിശീലകനെ പുറത്താക്കിയത്. ഡയറക്ടർ ഓഫ് ഓപ്പറേഷൻസ് മാർക്കോ ഫെറൂസിയായിരിക്കും ഇൻട്രിം പരിശീലകനായി ചുമതലയേറ്റെടുക്കുക.

2018 ഡിസംബറിലാണ് ഡല്ലാസ് എഫ്സിയുടെ പരിശീലകനായി ഗോൺസാൽവസ് ചുമതലയേറ്റെടുക്കുന്നത്. മേജർ ലീഗ് സോക്കറിൽ 11ആം സ്ഥാനത്താണിപ്പോൾ ഡല്ലാസ് എഫ്സി. പരിശീലകനാവും മുൻപ് ഡല്ലാസ് എഫ്സിയുടെ അക്കാദമി ഡയറക്ടർ ആയിരുന്നു ഗോൺസാൽവസ്. അസിസ്റ്റന്റ് കോച്ച് മിക്കി വരാസും ഗോൺസാൽവസിന് പിന്നാലെ ക്ലബ്ബ് വിടും

മുൻ റോമ പരിശീലകൻ പൗലോ ഫോൺസെക മേജർ ലീഗ് സോക്കർ ക്ലബ്ബായ അറ്റ്ലാന്റ യുണൈറ്റഡ് പരിശീലകനവാൻ ഒരുങ്ങുന്നു. അറ്റ്ലാന്റ യുണൈറ്റഡ് പരിശീലകൻ ഗബ്രിയേൽ ഹെയിൻസിന് പകരക്കാരനായിട്ടാവും ഫോൺസെക മേജർ ലീഗ് സോക്കറിൽ എത്തുക. എ എസ്‌ റോമക്കൊപ്പം രണ്ട് സീസണിന് ശേഷമാണ് പോർച്ചുഗീസ് ടാക്റ്റീഷ്യനായ ഫോൺസെകയെ ക്ലബ്ബ് പറഞ്ഞു വിടുന്നത്.

ഇറ്റാലിയൻ ഫുട്ബോളിലും അതുപ്പൊലെ തന്നെ യൂറോപ്യൻ ഫുട്ബോളിലും തരംഗമാവാൻ ഫോൺസെകകക്ക് കീഴിൽ റോമക്ക് സാധിച്ചു. യുവേഫ ചാമ്പ്യൻസ് ലീഗിന്റെ സെമിയിലെത്താനും റോമക്ക് കഴിഞ്ഞു. ഫ്രാങ്ക് ഡെബോറിന് പകരക്കാരനായിട്ടായിരുന്നു ഹെയിൻസ് അറ്റ്ലാന്റ യുണൈറ്റഡിൽ എത്തിയത്. എന്നാൽ ഹെയിൻസിന് കീഴിൽ 7 തോൽവിയും നാല് സമനിലയും രണ്ട് ജയവും മാത്രമാണ് നേടിയത്.

ഫ്രഞ്ച് ഇതിഹാസ താരം സിദാന്റെ മകൻ എൻസോ സിദാൻ അമേരിക്കയിൽ. മേജർ ലീഗ് സോക്കർ ക്ലബായ ഇന്റർ മയാമിയിൽ താരം ട്രയൽസിൽ ചേർന്നതായി അമേരിക്കൻ മാധ്യമങ്ങൾ റിപ്പോർട്ട് ചെയ്യുന്നു. ഇപ്പോൾ തങ്ങളുടെ രണ്ടാം സീസണാണ് ഒരുങ്ങുകയാണ് ഇന്റർ മയാമി. ബെക്കാമിന്റെ ക്ലബായ മയാമിക്ക് ഒപ്പം എൻസോ പ്രീസീസണിൽ മുഴുവൻ തുടരും. അതിനു ശേഷം മാത്രമേ കരാർ ഒപ്പുവെക്കുമോ ഇല്ലയോ എന്ന തീരുമാനിക്കുകയുള്ളൂ. റയൽ മാഡ്രിഡിലൂടെ വളർന്നു വന്ന താരമാണ് എൻസോ. എന്നാൽ റയലിനായി അരങ്ങേറ്റം നടത്താൻ താരത്തിനായിരുന്നില്ല. റയൽ വിട്ടതിനു ശേഷം ഒരു ക്ലബ്ബിലും സ്ഥിരമായി നിൽക്കാൻ എൻസോയ്ക്കായില്ല. അവസാനമായി സ്പാനിഷ് സെക്കൻഡ് ഡിവിഷൻ ക്ലബായ യു ഡി അൽമേറിയക്ക് വേണ്ടിയാണ് എൻസോ കളിച്ചത്. ഇന്റർ മിയാമിയിലൂടെ തന്റെ കരിയർ നേർവഴിക്കാക്കാൻ ശ്രമിക്കുകയാണ് എൻസോ. മുൻ മാഞ്ചസ്റ്റർ യുണൈറ്റഡ് താരം ഫിൽ നെവിൽ ആണ് ഇപ്പോൾ ഇന്റർ മയാമിയുടെ പരിശീലകൻ.

ഇംഗ്ലീഷ് ഇതിഹാസം ഡേവിഡ് ബെക്കാം തന്റെ ക്ലബായ ഇന്റർ മയാമിക്ക് മെസ്സിയെയും റൊണാൾഡോയെയും പോലുള്ള താരങ്ങളെ സൈൻ ചെയ്യാൻ ആകും എന്ന് പറഞ്ഞു. താൻ ക്ലബ് ആരംഭിചപ്പോൾ തന്നെ ആൾക്കാർ മെസ്സിയെയും റൊണാൾഡോയെയും നെയ്മറിനെയും ഒക്കെ സൈൻ ചെയ്യുമോ എന്ന് ചോദിക്കുന്നുണ്ട്. എന്നാൽ അവരെ ഒക്കെ സൈൻ ചെയ്യാൻ ഇന്റർ മയാമിക്ക് വലിയ പ്രയാസം ഉണ്ടാകില്ല എന്ന് ബെക്കാം പറഞ്ഞു.

ഇതിന്റെ പ്രധാന കാരണം മയാമി എന്ന സ്ഥലമാണെന്ന് ബെക്കാം പറയുന്നു. ഇത്രയും മികച്ച സ്ഥലത്തേക്ക് വരാൻ ആരും മടിക്കില്ല എന്ന് ബെക്കാം പറഞ്ഞു. സമീപ ഭാവിയിൽ ഈ താരങ്ങൾ തന്റെ ക്ലബിൽ എത്തും എന്ന് ബെക്കാം പ്രതീക്ഷ പ്രകടിപ്പിച്ചു. ഇന്റർ മയാമി മയാമിയിലുള്ള യുവ ടാലന്റുകളെ വളർത്തി കൊണ്ടു വരാനും ശ്രമിക്കുന്നുണ്ട് എന്ന് ബെക്കാം പറഞ്ഞു.

ഫ്രഞ്ച് ഇതിഹാസ താരം തിയറി ഹെൻറി കാനഡ ക്ലബായ മോണ്ട് റിയലിന്റെ പരിശീലക സ്ഥാനം ഒഴിഞ്ഞു. മേജർ ലീഗ് സോക്കർ ക്ലബായ ഇമ്പാക്ട് മോണ്ട്റിയലിന്റെ പരിശീലകനായി 2019 അവസാനമായിരുന്നു ഹെൻറി എത്തിയത്.. അദ്ദേഹം രണ്ട് വർഷത്തെ കരാർ ക്ലബുമായി ഒപ്പുവെച്ചിരുന്നു. എന്നാൽ വ്യക്തിപരമായ കാരണങ്ങൾ പറഞ്ഞാൻ ഹെൻറി ഇപ്പോൾ ക്ലബ് വിടുന്നത്.

കൊറോണ കാരണം കുടുംബത്തെ വിട്ടു നിൽക്കേണ്ടി വന്നത് തന്നെ മാനസികമായി അലട്ടുന്നു എന്നും കുടുംബത്തോടൊപ്പം സമയം ചിലവഴിക്കേണ്ടതു കൊണ്ടാണ് പരിശീലക സ്ഥാനം ഒഴിയുന്നത് എന്നും ഹെൻറി പറഞ്ഞു. മുമ്പ് ഫ്രഞ്ച് ക്ലബായ മൊണാക്കോയിലും ഹെൻറി പരിശീലകനായി പ്രവർത്തിച്ചിട്ടുണ്ട്. ആഴ്സണൽ ബാഴ്സലോണ തുടങ്ങിയ ക്ലബുകൾക്കായി തകർത്തു കളിച്ചിട്ടുള്ള താരം ഇനി ഇംഗ്ലീഷ് ഫുട്ബോളിൽ ആകും പരിശീലകനായി അവസരം തേടുക.