മെസ്സി റൊണാൾഡോ ആരാധകർ യുദ്ധത്തിലേക്ക് തോമസ് മുള്ളറുടെ ഒരു കമന്റു കൂടെ ഇനി ചേർക്കപ്പെടും. ഇന്നലെ യുവേഫ ചാമ്പ്യൻസ് ലീഗ് പ്രീ ക്വാർട്ടർ ഫൈനലിൽ പാരീസ് സെന്റ് ജെർമെയ്‌നിനെതിരായ തന്റെ ടീമിന്റെ വിജയത്തിന് ശേഷം ബയേൺ മ്യൂണിക്കിന്റെ തോമസ് മുള്ളർ രസകരമായ ചില അഭിപ്രായങ്ങൾ ആണ് പ്രകടിപ്പിച്ചത്. മാധ്യമപ്രവർത്തകരോട് സംസാരിക്കവേ, പിഎസ്ജിയുടെ സ്റ്റാർ പ്ലെയർ ലയണൽ മെസ്സിയെ നേരിടുമ്പോൾ ഒരു പ്രശ്നവ്യ്ൻ ഇല്ല എന്നും മെസ്സിക്ക് എതിരെ എന്നും തനിക്കും തന്റെ ടീമിനും അനുകൂല ഫലമേ ഉണ്ടാവാറുള്ളൂ എന്നും മുള്ളർ പറഞ്ഞു. റൊണാൾഡോ മാത്രമെ തങ്ങൾക്ക് പ്രശ്നങ്ങൾ ഉണ്ടാക്കിയിട്ടുള്ളൂ എന്നും മുള്ളർ പറഞ്ഞു.
“മെസ്സിക്കെതിരെ, ഫലങ്ങളുടെ അടിസ്ഥാനത്തിൽ എല്ലാ തലങ്ങളിലും കാര്യങ്ങൾ എല്ലായ്പ്പോഴും തനിക്ക് നന്നായി മാത്രമേ പോയുള്ളൂ. ക്ലബിൽ ആയാലും രാജ്യാന്ത്ര തലത്തിലായും മെസ്സിക്ക് എതിരെ എന്നും വിജയിച്ചിട്ടുണ്ട്” മുള്ളർ പറഞ്ഞു.
“ക്ലബ് തലത്തിൽ, റൊണാൾഡോ ആയിരുന്നു ഞങ്ങളുടെ പ്രശ്നം. റയൽ മാഡ്രിഡിൽ ആയിരുന്നപ്പോൾ ക്രിസ്റ്റ്യാനോ റൊണാൾഡോ ഞങ്ങൾക്ക് തലവേദന ആയിരുന്നു” മുള്ളർ പറഞ്ഞു.
എങ്കിലും മെസ്സിയുടെ അവസാന ലോകകപ്പ് പ്രകടനങ്ങളോടുള്ള ബഹുമാനം പ്രകടിപ്പിക്കാൻ മുള്ളർ മറന്നില്ല, “മെസ്സിയുടെ ലോകകപ്പ് പ്രകടനത്തോട് എനിക്ക് വലിയ ബഹുമാനമുണ്ട്.” അദ്ദേഗം പറഞ്ഞു.
ഇന്നലെ പി എസ് ജിയെ 2-0ന് തോൽപ്പിച്ചതോടെ അത് ചാമ്പ്യൻസ് ലീഗിന്റെ ക്വാർട്ടർ ഫൈനലിലേക്ക് പി എസ് ജി മുന്നേറിയിരുന്നു. ഇരുപാദങ്ങളിലായി 3-0നാണ് ബയേൺ ജയിച്ചത്..
