മെസ്സി എക്കാലത്തെയും മികച്ചവൻ, പക്ഷെ ഈ വർഷം മോഡ്രിച്ചിന്റേത് : റാക്കിറ്റിച്ച്

- Advertisement -

അർജന്റീനയുടെയും ബാഴ്‌സലോണയുടെയും സൂപ്പർ താരം ലിയോണൽ മെസ്സി എക്കാലത്തെയും മികച്ച ഫുട്ബോൾ താരമാണെന്നും എന്ന ഈ വർഷം മോഡ്രിച്ചിന്റെ വർഷമാണെന്നും ബാഴ്‌സലോണയിൽ മെസ്സിയുടെ സഹ താരമായ റാക്കിറ്റിച്ച്. ക്രോയേഷ്യൻ ടീമിൽ മോഡ്രിച്ചിന്റെ സഹ താരമാണ് റാക്കിറ്റിച്ച്.

യുവേഫയുടെ ഏറ്റവും മികച്ച താരമായി മോഡ്രിച്ച് തിരഞ്ഞെടുക്കപ്പെടുകയും ഫിഫയുടെ ദി ബെസ്റ്റ് അവാർഡിനുള്ള അവസാന മൂന്ന് താരങ്ങളുടെ പട്ടികയിൽ മോഡ്രിച്ച് ഇടം പിടിക്കുകയും ചെയ്തിരുന്നു. ഈ വർഷം മോഡ്രിച്ചിന്റെ വർഷമാണെന്നും താരം എല്ലാ അവാർഡുകളും അർഹിക്കുന്നുണ്ടെന്നും റാക്കിറ്റിച്ച് പറഞ്ഞു.

അതെ സമയം ഫിഫയുടെ ദി ബെസ്റ്റ് അവാർഡ് പട്ടികയിലെ അവസാന മൂന്ന് താരങ്ങളിൽ മെസ്സി ഉൾപ്പെട്ടിരുന്നില്ല.

 

Advertisement