നെയ്മറെ ക്യാപ്റ്റനാക്കില്ലെന്ന് പി.എസ്.ജി പരിശീലകൻ

അടുത്ത സീസണിൽ പി.എസ്.ജിയുടെ ക്യാപ്റ്റനായി നെയ്മറെ നിയമിക്കാൻ ഉദ്ദേശമില്ലെന്ന് പി.എസ്.ജി പരിശീലകൻ തോമസ് ടൂഹൽ. നിലവിൽ പി.എസ്.ജിയുടെ ക്യാപ്റ്റന്മാരായ തിയാഗോ സിൽവയെയും മാർക്വിഞ്ഞൊസിനെയും മാറ്റാൻ തനിക്ക് ഉദ്ദേശമില്ലെന്നും അവരുടെ പ്രകടനത്തിൽ തൃപ്തനാണെന്നും പി.എസ്.ജി പരിശീലകൻ പറഞ്ഞു. ഫ്രാൻസ് ലീഗ് മത്സരത്തിന് ശേഷം ആരാധകനുമായി വാക്കേറ്റം നടത്തിയതുമായി ബന്ധപ്പെട്ട നെയ്മറിന് ലഭിച്ച വിലക്ക് അംഗീകരിക്കുന്നെന്നും പി.എസ്.ജി പരിശീലകൻ പറഞ്ഞു.

ഒരു ലീഡർ ആണെന്ന് കാണിക്കാൻ പല വഴികളുണ്ട്, നെയ്മർ ഫുട്ബോളിൽ ഒരു ആർട്ടിസ്റ്റാണ്,അദ്ദേത്തിന്റെ ധൈര്യം കൊണ്ടും ഈ കഴിവുകൊണ്ടും നെയ്മറിന് ക്യാപ്റ്റൻ ആവാമെന്നും എന്നാൽ നിലവിലുള്ള ക്യാപ്റ്റന്മാരെകൊണ്ട് താൻ തൃപ്തനാണെന്നും ടൂഹൽ പറഞ്ഞു. സീസണിൽ ലീഗ് 1 കിരീടം നേരത്തെ നേടിയ പി.എസ്.ജി സീസണിന്റെ അവസാനത്തോടെ ഫോം കണ്ടെത്താൻ വിഷമിച്ചിരുന്നു. അവസാനം കളിച്ച 7 മത്സരങ്ങളിൽ ഒന്ന് മാത്രമാണ് പി.എസ്.ജി ജയിച്ചത്.