ഫ്രഞ്ച് ക്ലബായ പി എസ് ജിയുടെ സൂപ്പർ സ്റ്റാർ നെയ്മർ കോവിഡ് മുക്തനായി. കൊറോണ സ്ഥിരീകരിച്ചത് കാരണം ക്വാർന്റൈനിൽ ആയിരുന്ന നെയ്മർ രോഗം ഭേദമായി എത്തി എന്ന് പി എസ് ജി പരിശീലകൻ ടൂഹൽ വ്യക്തമാക്കി. നെയ്മർ, ഡി മറിയ, പരെദസ് എന്നിവർ കൊറോണ നെഗറ്റീവ് ആയെന്ന് ടൂഹൽ പറഞ്ഞു. ഇവർ മൂന്ന് പേരും നാളെ മാഴ്സെക്ക് എതിരെ നടക്കുന്ന മത്സരത്തിൽ കളിക്കും.
എന്നാൽ എമ്പപ്പെ, ഇക്കാർഡി, മാർക്കിനസ് എന്നിവർ ഇപ്പോഴും കൊറോണയുടെ പിടിയിലാണ്‌. ഇവരുടെ ക്വാരന്റൈൻ തുടരും. ലീഗിലെ ആദ്യ മത്സരത്തിൽ കൊറോണ കാരണം ഏഴ് പ്രമുഖ താരങ്ങൾ ഇല്ലാതെ ഇറങ്ങിയ പി എസ് ജി ലെൻസ് ക്ലബിനോട് പരാജയം ഏറ്റു വാങ്ങിയിരുന്നു.
