ഫ്രഞ്ച് ലീഗ് വൺ പോരാട്ടത്തിൽ ലിയോണിനെ വീഴ്ത്തി എ.എസ് മൊണാക്കോ

Wasim Akram

20220912 033210
Download the Fanport app now!
Appstore Badge
Google Play Badge 1

ഫ്രഞ്ച് ലീഗ് വൺ വമ്പൻ പോരാട്ടത്തിൽ ഒളിമ്പിക് ലിയോണിനെ ഒന്നിന് എതിരെ രണ്ടു ഗോളുകൾക്ക് തോൽപ്പിച്ചു എ.എസ് മൊണാക്കോ. ലിയോണിന്റെ ആധിപത്യം ആണ് മത്സരത്തിൽ കാണാൻ ആയത് എങ്കിലും മൊണാക്കോ ആണ് ആദ്യം ഗോളുകൾ നേടിയത്. ഗോൾ രഹിതമായ ആദ്യ പകുതിക്ക് ശേഷം 55 മത്തെ മിനിറ്റിൽ ആദ്യ ഗോൾ പിറന്നു.

ഹെൻറിക്വയുടെ കോർണറിൽ നിന്നു ഹെഡറിലൂടെ ബെനോയിറ്റ് ആണ് ഗോൾ നേടിയത്. 63 മത്തെ മിനിറ്റിൽ ഹെൻറിക്വയുടെ ബുദ്ധിപൂർവ്വമായ ഫ്രീകിക്കിൽ നിന്ന്7 ഹെഡറിലൂടെ ഗോൾ നേടിയ ഗില്ലർമോ മാരിപാൻ മൊണാക്കോക്ക് രണ്ടാം ഗോളും സമ്മാനിച്ചു. 81 മത്തെ മിനിറ്റിൽ റയാൻ ചെർകിയുടെ പാസിൽ നിന്നു കാൾ ടോകോ എകാമ്പിയാണ് ലിയോണിന്റെ ആശ്വാസഗോൾ നേടിയത്. നിലവിൽ ലീഗിൽ ലിയോൺ അഞ്ചാമതും മൊണാക്കോ ഏഴാം സ്ഥാനത്തും ആണ്.