റയൽ മാഡ്രിഡും ലൂക്കാസ് വാസ്ക്വസും തമ്മിൽ കരാർ പുതുക്കാൻ ധാരണയിൽ എത്തിയതായി സ്പാനിഷ് മാധ്യമം ആയ മാർക്ക റിപ്പോർട്ട് ചെയ്യുന്നു. ഒരു വർഷത്തേക്ക് ആകും വാസ്കസ് റയലിൽ കരാർ നീട്ടുക. വാസ്‌ക്വസിൻ്റെ നിലവിലെ ഡീൽ സീസണിൻ്റെ അവസാനത്തോടെ അവസാനിക്കും. ഈ സീസണിൽ 27 മത്സരങ്ങൾ ലാലിഗയിൽ കളിച്ച താരം 2 ഗോളും നാല് അസിസ്റ്റും സംഭാവന ചെയ്തിരുന്നു.
ഡാനി കാർവഹൽ ഇല്ലാത്തപ്പോൾ ആഞ്ചലോട്ടി വാസ്കസിനെയാണ് റൈറ്റ് ബാക്കിൽ വിശ്വസിക്കുന്നത്. 2007 മുതൽ റയൽ മാഡ്രിഡിനൊപ്പം ഉള്ള 32കാരൻ റയൽ അല്ലാതെ വേറെ ഒരു ക്ലബിനായി കളിക്കാനും ആഗ്രഹിക്കുന്നില്ല.
വാാകസിന്റെ കരാറിനൊപ്പം മോഡ്രിച്ച്, ടോണി ക്രൂസ് എന്നിവരുടെ കരാർ പുതുക്കാനുള്ള ചർച്ചകളും റയൽ മാഡ്രിഡ് നടത്തുന്നുണ്ട്‌.
