Local Sports News in Malayalam

സുവാരസിനായി വലവിരിച്ച് ബെക്കാമിന്റെ എംഎൽഎസ് ടീം

ബാഴ്സലോണയുടെ സൂപ്പർ താരം ലൂയിസ് സുവാരസിനെ സ്വന്തമാക്കാൻ ശ്രമിച്ച് മേജർ ലീഗ് സോക്കർ ടീമായ ഇന്റർ മിയാമി. ഫുട്ബോൾ ഇതിഹാസം ഡേവിഡ് ബെക്കാമിന്റെ ഉടമസ്ഥതയിലുള്ള ടീമാണ് ഇന്റർ മിയാമി. ഉറുഗ്വെൻ സൂപ്പർ സ്റ്റാറായ സുവാരസിന്റെ ബാഴ്സയുമായുള്ള കരാർ 2021 വരെയുണ്ട്. സ്പാനിഷ് മാധ്യമങ്ങൾ റിപ്പോർട്ട് ചെയ്യുന്നതനുസരിച്ച് നാല് വർഷത്തെ കരാറിൽ സുവാരസിനെ സ്വന്തമാക്കാനാണ് എം എൽ എസ് ടീം ശ്രമിക്കുന്നത്.

32 കാരനായ സുവാരസ് ബാഴ്സലോണയ്ക്ക് വേണ്ടി 259‌മത്സരങ്ങളിൽ നിന്നായി 185 ഗോളുകൾ അടിച്ചിട്ടുണ്ട്. ഇന്റർ മിയാമിയെ നയിക്കാൻ സുവാരസിനെ ബേസ് ചെയ്തൊരു പ്രൊജക്റ്റാണ് ബെക്കാമും സംഘവും പ്ലാൻ ചെയ്യുന്നത്. എം എൽ എസിലേക്ക് പോവാൻ സുവാരസിന് താത്പര്യമുണ്ടെന്ന് ഉറുഗ്വെൻ സഹതാരമായ നിക്കോളാസ് ലോദെയ്രൊ വ്യക്തമാക്കിയിരുന്നു. അതേ സമയം വമ്പൻ താരങ്ങളെ ഇതിനു മുൻപ് സ്വന്തമാക്കിയിട്ടുള്ള എൽ എ ഗാലക്സിയും ന്യൂയോർക്ക് സിറ്റി എഫ്സിയും സുവാരസിനായി രംഗത്തുണ്ട്.

You might also like