ലോകകപ്പ് ജേതാവ് ഖെദീര വിരമിച്ചു

20210519 211356
- Advertisement -

ജർമ്മൻ ലോകകപ്പ് ജേതാവ് സാമി ഖെദീര ഫുട്‌ബോളിൽ നിന്ന് വിരമിച്ചു. 34 വയസുകാരനായ താരം 2014 ലോകകപ്പ് നേടിയ ജർമ്മൻ ടീമിൽ അംഗമായിരുന്നു. സെൻട്രൽ മിഡ്ഫീൽഡർ ആയ താരം നിലവിൽ ഹെർത്ത ബെർലിൻ താരമാണ്.

ജർമ്മൻ ക്ലബ്ബ് സ്റ്റുഗാർട്ടിലൂടെ 2006 ൽ സീനിയർ കരിയർ ആരംഭിച്ച താരം 2010 ലാണ് സ്പാനിഷ് ഭീമൻമാരായ റയൽ മാഡ്രിഡിൽ ചേർന്നത്. പിന്നീട് 2015 മുതൽ 2021 വരെ യുവന്റസ് താരമായിരുന്നു. ഈ സീസണിൽ രണ്ടാം പകുത്തിയിൽ ആണ് താരം ജർമ്മനിയിൽ തിരിച്ചെത്തിയത്.

റയൽ മാഡ്രിഡിന്റെ കൂടെ ചാമ്പ്യൻസ് ലീഗ്, ല ലീഗ, കോപ്പ ഡെൽ റെ, സൂപ്പർ കോപ്പ, ക്ലബ്ബ് ലോകകപ്പ് കിരീടങ്ങളും യുവന്റസിന് ഒപ്പം സീരി എ, കോപ്പ ഇറ്റലിയ, സൂപ്പർ കോപ്പ ഇറ്റാലിയ കിരീടങ്ങളും നേടിയിട്ടുണ്ട്. 2009 മുതൽ ജർമ്മൻ ദേശീയ ടീമിലും അംഗമാണ്.

Advertisement