മലപ്പുറം കേരള ഫുട്ബോളിന്റെ ചാമ്പ്യന്മാർ

തിരുവനന്തപുരത്ത് നടക്കുന്ന കേരള സംസ്ഥാന സീനിയർ ഫുട്ബോൾ ചാമ്പ്യൻഷിപ്പ് കിരീടം മലപ്പുറത്തിന്. ഇന്ന് കലാശ പോരാട്ടത്തിൽ കോട്ടത്തെ തോൽപ്പിച്ചാണ് മലപ്പുറം കിരീടം ഉയർത്തിയത്. തികച്ചും ഏകപക്ഷീയമായ മത്സരത്തിൽ എതിരില്ലാത്ത മൂന്ന് ഗോളുകൾക്കായിരുന്നു മലപ്പുറത്തിന്റെ വിജയം. മലപ്പുറത്തിനായി അക്ബർ സിദ്ദീഖ് ഇരട്ട ഗോളുകൾ നേടി.

ആൽഫിൻ ആണ് മറ്റൊരു സ്കോറർ. സെമി ഫൈനലിൽ ഇരട്ട ഗോളുകൾ മലപ്പുറത്തിനായി നേടിയിരുന്നു. സെമിയിൽ തിരുവനന്തപുരത്തെ തോൽപ്പിച്ച് ആയിരുന്നു മലപ്പുറം ഫൈനലിലേക്ക് കടന്നത്. ഒന്നിനെതിരെ നാലു ഗോളുകൾക്കായിരുന്നു മലപ്പുറത്തിന്റെ സെമിയിലെ വിജയം. ക്വാർട്ടറിൽ വയനാടിനെയും മലപ്പുറം തോൽപ്പിച്ചു.