കേരള പ്രീമിയർ ലീഗ്; അവസാന നിമിഷ ഗോളിൽ കോവളം എം എ കോളേജ് മത്സരം സമനിലയിൽ

Img 20220323 215615

രാംകോ കേരള പ്രീമിയർ ലീഗിൽ ഇന്ന് നടന്ന മത്സരത്തിൽ കോവളം എഫ് സിയും എം എ കോളേജും സമനിലയിൽ പിരിഞ്ഞു. ഇരു ടീമുകളും രണ്ട് ഗോൾ വീതം അടിച്ചു. 58ആം മിനുട്ടിൽ സ്റ്റെവിന്റെ ഗോളാണ് കോവളത്തിന് ലീഡ് നൽകിയത്. ഈ ഗോളിന് 62ആം മിനുട്ടിൽ തന്നെ എം എ കോളേജ് മറുപടി പറഞ്ഞു. 86ആം മിനുട്ടിൽ വീണ്ടും സ്റ്റെവിൻ ഗോൾ നേടിയപ്പോൾ കോവളം വിജയം ഉറപ്പിച്ചു എന്നാണ് കരുതിയത്.

എന്നാൽ 92ആം മിനുട്ടിലെ അസ്ലമിന്റെ ഗോൾ എം എ കോളേജിന് സമനില നൽകി. ഈ സമനിലയോടെ 7 പോയിന്റുമായി ആറാമത് നിൽക്കുന്നു. എം എ കോളേജ് 4 പോയിന്റുമായി പത്താം സ്ഥാനത്താണ്‌