കേരള പ്രീമിയർ ലീഗിൽ ഗോകുലം കേരള എഫ് സിക്ക് വീണ്ടും ഗംഭീര വിജയം. ഇന്ന് തിരുവനന്തപുരത്ത് നടന്ന മത്സരത്തിൽ കോവളം എഫ് സിയെ ആണ് ഗോകുലം തോൽപ്പിച്ചത്. മറുപടി ഇല്ലാത്ത ഒരു ഗോളിനായിരുന്നു ഗോകുലത്തിന്റെ വിജയം. വിദേശ താരമായ ക്രിസ്റ്റ്യൻ സബ ആണ് ഇന്ന് കളിയിലെ വിജയഗോൾ നേടിയത്.
കഴിഞ്ഞ മത്സരത്തിൽ എഫ് സി കേരളയ്ക്ക് എതിരെയും സബാ ഗോൾ നേടിയിരുന്നു. ഗോകുലം കേരള എഫ് സിയുടെ ലീഗിലെ നാലാം വിജയമാണിത്. നാലിൽ ബാലു ജയത്തോടെ 12 പോയന്റുമായി ഗോകുലം കേരള എഫ് സി ഗ്രൂപ്പ് ബിയിൽ ബഹുദൂരം മുന്നിലാണ്. കോവളം എഫ് സിക്ക് ഇത് തുടർച്ചയായ നാലാം പരാജയവുമാണ്.
